有邊間銀行有月供幾百蚊既定期或者投資基金儲蓄，而又有高回報既呢?

定期同基金唔同。基金可以賺蝕，定期是有利息派，頂盡息少，但唔會點蝕本的。

定期選擇銀行，尋日新聞都有講到定期有 4% 利息左右，當然睇你放幾多錢啦。

收費是考慮之一，但最重要是那個幫你投資的人，識唔識睇市，定只係一個基金 sales，因為基金是比錢人地投資，收費實有架啦，除非是自已投資啦。不同計劃有不同收費模式。要做果行研究先囉到準確的資料同分析的。我講 d 自已分析而得的經驗比你聽聽：

基金投資方面，可以有 4 個途徑：

1. 基金公司
直接同基金公司買基金，例如富達、美林、寶源、首域等等。有 d 公司無自已 sales force 的，就將佢的 sales force 生意外判批比銀行、保險、IFA 代理的。有 d 自已有 sales force 的公司，就一隻基金至少都差不多 USD $5,000 左右，要分散風險，就大概買 4~7 隻，咁買完就自已跟。所以，投資額有返咁上下，又好有經驗買開的，就會咁買。初哥、資金唔大的人，唔建議用呢種方式。

2. 銀行
信譽最多人認同。產品多，除了自已銀行的基金外，仲代理不同的基金公司，例如富達基金公司的所有基金都可以代理到、賣到。裡面的基金是一隻隻咁買，大概 $1,000~幾萬一隻基金。有首次認購費 1% 左右、買賣差價 5%。例如我要買美林礦業基金，匯豐有代理，咁我就當買入 100 萬。首次認購費 1 萬 (1%)；買賣差價 5萬 (5%)，即一開始，就只得返94萬投資，要放一年 5% 唔放，先至回到 100 萬的本。

又例如我想轉基金，「買賣差價」是指：將買入的基金單位賣出，再買入單位。5%~~即是 94 萬又收 5%，得返 89 萬。所以頭一年要賺到 15% 先至回到本。那麼 5% 去左邊呢？就是去基金 sales 的傭到。

所以，遇著一些「想賺錢」的sales，就講 d 人地唔識、聽唔明的分析，之後就叫人轉基金。不斷轉，不斷收 5%。而且賣基金的銀行 sales 基金上賣完就算，不會專人跟進的，因為投資額細，如果投資額有 300 萬或以上投資，銀行先會有專人serve，咁銀行客多，實 serve 大客先。

3. 保險公司
大部份保險公司都無自已的基金，都是代理人地公司的其中幾隻基金的。收費方面，有7一些公司是首2年70%的錢作為收費，是入agent 的傭金同公司的成本。所以一開始得 30%滾基金，要好多 % 回報先至滾得大。所以，一開始只能稱做「雪波」，將來好耐先滾成為雪球，所以通常是 8 年先翻一翻多一倍資金的。基金數量方面，據我之前的調查，Zurich 保險有 19 隻、New York Life 有 45隻、英國保誠有17隻(好似新加左d富達的)、AXA 有19隻、宏利有17隻、除左 aia 有 8x 隻……

當然數目少可以叫做精，但這種技巧只能「說服」到一般的市民，但去到行家到，大家都心照。另外，一些保險公司都只能賣自已的產品，無論公司點好 / 唔好，都要同你講：「我xxx保險公司是最好的，最適合你的」。聽得太多了……

而且，我覺得最重要是，保險同投資扯不上很巨大的關系，保險的模式是賣保險、Claim 單，但基金是投資，賺錢，要識睇市、知股票、債券走趨等等。與保險公司的日常工作模式完全唔同。即係會唔會搵個保險 agent 買股票呢？好似無乜關系咁……

不過，保險公司的好處是，賣埋保險，服務好 d……呢方面，實好過銀行，因為是 1 對 1 咁買，尤其在 follow up 方面。不過選擇基金、投資、睇市的能力值得質疑。我2個朋友都是了保險公司的基金，一個3年同一個6年前買的，我睇返原來他們選擇的基金組合都是一樣了？是否個 agent 唔太識野，選擇公司提供的 standard 組合呢？

當然係有識基金投資的保險 agent 的，但遇不遇到，就睇你際遇。我自已就發覺，年紀有返咁上下，係吹得下水的，但投資不是只靠吹水，要靠投資慧眼的。即係你唔識果樣野，都要問個好識野的人問，但那個人是 sales 還是 advisor？就自已判斷。

3. 獨立理財顧問 IFA
因為睇到銀行做唔到中、細客；又無 1對 1的 follow up services (因買了基金，要定期回顧表現的，例如3個月~1年一次，睇下表現，諗下轉基金等等) 。於是行同保險的模式似，是走傭金制。佢賣的基金產品可以是同銀行一樣，當大家都代理同一間基金公司，例如首域、荷蘭銀行的基金。

另外佢地的賣點，是另一種基金買法，是類似保險的月供形式，叫做「月供基金」 / saving plan。這是從一些「基金批發商」買一些基金計劃。例如月供$1,200同 xxx 基金批發商中的計劃中，大概有 8x 隻基金到，選擇最多 10 隻基金的組合。不同的計劃收費模式、數目、質素都不同，大概可以在 8x~16x隻基金中選擇 10隻基金，適合普羅大眾的。無限次轉基金不用任何收費。這類計劃是前置式收費，頭 18 個月一定要供錢，之後第 19 個月後供的錢，可以囉返出黎；又或者可以選擇囉假期唔供錢都得。因為收費主要是在頭 18 個月收。好處是將 d 錢 100% 囉去投資，因為客人的供款，唔似保險咁扣起作為傭金。咁佢點出涼呢？就是當獨立理財顧問幫 A 基金公司開到單，之後 A 公司就按那個計劃比返 d 錢比獨立理財顧問。唔似保險，頭2年扣70% 收費。

又例如這類 xxx 基金批發商的基金計劃中，可以代理不同 Fund House，或者叫做基金生產商的基金。例如我要美林最好果 2 隻、富達最堅果 3 隻等等……好處是有人一早簡定左基金比人選擇。把表現唔入流的基金剔除。還有一筆過投資，例如最低投資額 10萬，選擇一個平台，買 10 隻基金。同銀行差不多。

而一般獨立理財顧問還代理不同保險公司的保險，因為佢係 broker形式。所以很多範的野都有接觸的。所以佢的好處是，幫到客人比中肯的意見。唔駛 hard-sell自已公司的產品，因為他們是無自已的產品的，完全是代理人地的產品。

雖然 IFA 的原意是好的，因為唔需要 hard-sell 自已。只是幫人分析不同的野，計計數，睇基金，幫人賺錢就得。不過，有d IFA 會見邊間公司傭多就開那個 plan。因為基金唔係靠把口，要用心研究、讀不同野先得的，所以有 d 唔太專業的 ifa，就簡死果隻基金計劃，唔同客比較。二來，又唔太識基金投資的野，只係識同客人吹水。咁一般的客人唔識基金的野，見你吹到頭頭是道，又見你代理不同產品，好似好中肯。於是就會買單。

回報方面，證監會規定只可以列 5% 及 9% 年回報。實際上，by 經驗，1~7% 年回報為低風險；8~12% 為中風險；Over 12% 已經是高風險的。

總之，我建議睇多幾間先啦。你係客，一定實有好多人去主動 approach 你架喎。慢慢諗、慢慢簡啦。我有朋友都分別中左不同公司的招數，Good Luck~~

講得好~前者同我老細的分析差唔多。

有種類似mpf的基金，月供最少＄５００，不需鎖死年期，可隨時離場，有１６隻基金挑選，＜回報與風險成正比＞，要自己根據基金往積做參考．可上manulife.com.hk睇睇，如需詳情可e-mail to me ([email protected])

If you want saving in the bank, it will not give you high return for sure. Because saving money will only give you interest. Unless you save in differnet currency, e.g. AUD or NZD.

To invest on fund, you should go for insurance company. Because banks will not serve small cuatomers. Actually, you can check Preudential, AIA, Manulife........most of the insurance companies will have the plan. As I know AIA have some investment plan which can invest few hunderds per month, and they have plenty choices of funds. The other insrance companies only have their own funds and the choices are limited. Because I have that plan in AIA, it is not a insurance plan, it just a investment plan with no insurance cover. And the agent is quite good, he gives a lot information for the market. you can e-mail me and I give you his contact to you. [email protected]

你又要月供幾百蚊, 但係回報高, 我諗無乜可能囉,
我諗最少都要二,三千一個月先會有高回報~~~

中國銀行有d存整付, 最少可以供500蚊, 好似定期咁set時間, 利息唔會多高,
我朋友係中銀做櫃員 (teller) 佢自己都有做呢個, 都ok架~~~

基金投資, 我自己就幫襯英國保誠,
我都係一個月供300幾蚊,
佢每一個月都會有返個report話返你知你d基金點,
供款可以隨時加多減少, 供左個d錢又可以隨時囉出黎用,
有似你買股票咁囉~~~

其實我check過東亞既儲蓄利息係最高, 都有三厘幾,
隨時多過其他錢行既定期利息呀,
如果你儲夠5千蚊去開戶口都有著數,
我自己早幾個月開左~~~

恒生都有儲錢plan, 供既時間短, 但係月供會貴d,
我媽媽同一個朋友就月供2,3千, 但係供5年囉~~
可以囉返本, 擺多5年可以囉大舊d錢囉~~~

希望可以幫到你~~~