公屋二人單位問題..好復雜...希望有人解答到.謝

依照你的情況，我有以下的意見及回答，希望幫到你們！

1) 如果你已婚，你必須加入你丈夫，或者如果你唔想加入他，你便要刪除自己個名。以房署的概念，兩夫婦必須居住在同一個登記地址，所以你不可以單獨在你的公屋，而你丈夫又在另一個物業上。然而，你不需要擔心你丈夫有過百萬的資產問題。
因為你暫時不需要申報你的家庭狀況及家庭總收入與資產情況。然而，當你的婚姻情況有變時，你是有責任向房署申報。（另外一題，近年香港市民開始轉換智能身份證時，市民會填寫一份資料，不少居民因填寫了該份資料，資料被房署翻查而被房署調查，所以希望你們，以及其他瀏覽者都留意到）。所以，你亦要小心房署會否視你們隱瞞資料。事實上，雖然你丈夫擁有一層過百萬的物業，不過依照房署房屋政策所列明，戶主配偶加入戶籍時，不需要通過任何審查，簡而言之即是你丈夫有沒有物業，房署亦沒有任何機制審查你們，當然，就算係咁，也不代表房署不會用其他方式逼害你們，最簡單的例子當你們居住在公屋超過十年時，你們要申報你的整體家庭狀況及入息情況，到時可能會調查你們的物業情況，長遠而言，你都要決定該物業是否仍然由你丈夫做業主。如果你把你的丈夫加入戶籍，便不需要擔心會被逼搬出。關於你妹妹方面，除非你妹妹結了婚，否則她不需要搬出。

2) 有關調遷較大單位的問題，如果你增加左人口，到達到擠迫戶的標準，咁你就可以調遷。一般而言，舊樓 ( 90年以前落成的公屋大廈：非和諧式 )，會以每人最少有五點五平方米的方式計算；新樓 ( 90年以後落成的公屋大廈：和諧式或康和式 )，會以每人最少有七平方米的方式計算，倘若每人佔用的平方米少於上述的計算，你就可以向屋邨辦事處申請調遷。

3) 調遷較大單位的時間不一，要視乎空置單位的數量，一般而言，快者可以在一至兩個月內完成，慢者可能要等待超過半年時間，當然，如果你恆常到房署查詢（吹佢），咁又會快Ｄ。

希望幫到你們！

樓上網友已答咗你
如果佢俾你加名 你妹嘅名係唔需要刪除(除非你妹提出)
你即管問房署 又唔使比手續費
因為每座屋村經理手法都有出入(雖然法例一樣)

其實就算得你兩子妹都可以申請調遷
即係隔離單位嗰種2~3人型 可以間到2間房
時間要睇邊區及有冇調遷單位提供
聽聞有d幾個月完成 有d幾年都搞唔掂

2006-11-06 15:04:29 補充：
[以房署的概念，兩夫婦必須居住在同一個登記地址]　我想知　呢個係概念想法還是法例規定？　現時好多人註咗冊結埋婚　但各自住在自己父母公屋家如果地址要規定一樣　請問規定歸邊一邊　又唔知婚姻法案內　有冇規定夫婦一定同住如果唔同住是否等同分居我有個親戚　佢再婚幾年　最近去房署想將佢老婆及細女加名其實佢兩個已取得永久身分證　點知房署唔比　話佢兩母女點解幾年後才要求　認為冇此需要　住就可以照住 就唔會檢控喎所以　房署概念 兩夫婦必須居住在同一個登記地址　未必個個職員做法相同

層樓有佢名既, 唔可以申請公屋, 或者加名架!

都係搬左入去住, 唔出聲就算!!

如果真係有房屋署d 人係做類似家訪果d, 通常既藉口係: 朋友黎住幾日架炸。

其實而家個問題係: 你呀妹想唔想多個人入黎住, 因為間公屋係用佢個名的啊！

2006-11-02 13:19:10 補充：
回應下面＊聽說屯門果邊，等幾個月就ｏｋ！