點解而家買狗好似好得人驚咁?

而家好多狗鋪都係起大陸到搵D狗返黎賣, D 小狗運黎香港個時, 個籠好細, 不過有好多狗起入面, 如果D狗有病, 就會好易"野"到第2D, 最易有既, 係狗瘟, 買個時, 無野架, 但係狗瘟係7-14日先發病, 你買左, 到病死, 可能都過左有得換既時候
我之前起旺角一間叫富士犬舍到買, 即係旺角公廁個邊, 而家個邊仲有一間, 其實係同一間, 我買左隻狗, 有狗瘟, 同隻狗去睇醫生, 同另一個病狗既主人傾, 佢都係一間到買, 之前個隻死左, 而家個隻有哮喘, 一隻會跑既狗, 有哮喘, 係未要綁住佢隻腳唔比佢跑呢?
其實旺角, 金魚街個D, 都係同一個老闆, 所以, D狗既來源都係一樣, 所以, 有會有病,
另外, 可能係泰國黎既塔飛機狗, 同大陸黎既一樣, 一病, 就全部都係架啦
所以買個時, 真係要小心D

依家ｄ人只當狗係一件貨物，諗堤買佢返黎，返正都係賣，咁洗咩咁好心機養佢呀～賣得出咪得囉～所以就會俾埋ｄ唔靚既狗糧，甚至連狗糧都唔餵。呢ｄ人簡直冇良心，完全唔識得點樣去愛狗，狗都係生命黎架，點可以咁樣當狗係一件貨物，搞到佢地又身體差又多病，呢ｄ人真係要捉佢去餵狗呀！

係因為多左好多大陸狗偷運落o黎,太多病狗,打針狗。