上台做貨VAN

比你都唔好做啦！

1) 細台係台費平，但少order，唔夠野做，大台係就係有order，但價濺兼多車，而且台費貴，便"脷"為例，早幾個月入線仲係$3000-$4000，家下要成$6000，每月台費$1000-$1200，而且有D台又有暗飛(好order比自己友)，好多衰野架。一般當你齋做台Order，一個月未除皮費做倒一萬已叫好本事，基本入台係愛黎比D有自己野做，但又唔夠做既人"zip"時間。若果你係無自己野新做既，求其打份幾千蚊既工好過。

2) 上台好簡單，如果你想上真係搵倒吃既台，唔洗諗，因呢D台唔會濫收車，而且要介紹。


3) 每個月要多少$$養架車無特定，淨係車場，偏D地區爛地場同旺區私人場都可相差二三千，揸得多去街，油、車場又一條數............

唔計D可有可無既野，如改車、音響、裝飾......以一般計，如下

唔計供車，牌費每年$4254，燕梳三保0%NCB約$7500-30%NCB約$3500，年驗以架車無乜問題計約$2500，車場以$1500/月 計，油以每月$3000連去街計，損耗品(如車軚、水撥、電池...)、抄牌、保養(如換偈油風隔油隔....)，每月最少最少預$1000.......

$4254+$3500+$2500+$1500X12+$3000X12$1000X12 = $76254/年

即係話，以每月有25日工開，每日最少頭$260係養車，一個唔該抄多兩張牌，唔覺意撞倒下人地D車要賠........好多好多估計唔倒既野，分分鐘白做甚至倒貼。



4) 入呢行唔洗咩野途徑，兩樣野，比錢，睇運，先比錢買車入台，之後睇你有無運，我識個人，佢死好命遇倒有好客，家下有車有樓唔洗優，但........100個行家入面無1個囉。出面大把貨van佬一個養車七除八扣，淨底得果三四千，如果你係諗住新做，我勸你如果你有得揀的話，打份揸車工，甚至做份麥記好過。

師兄，我今年都近30人仕，揸車揾食接近10年，由揸小巴開始到現在揸貨櫃車；05年年尾，我買左架貨van，好似你的想法，創業，我架車12/05落地，叫做有Ｄ緊order，今年５月我終於支持唔到，賣車，現在又係揸番貨櫃；我帳面唔見左六萬．師兄請先想清楚，要揾番六萬蚊唔係一件容易的事．如果你有Ｄ長order既話，都可以考慮下，但一定要出二手車，越平越好．當一切定下來既時間再換新車．比個心理準備你，時下貨van既收費好平好平，23蚊一支同order都有．
而家入台入邊間其實冇所謂，睇報紙問多幾間，邊間平，好福利入邊間；唔需要供車會，除成本，入台都會有以上人工既．有錢就入到行，冇特別途徑．
但我勸師兄你一句，三思再三思，因為一失足成千古恨呀．祝君好運．