大門門鎖問題

你先檢查門鎖是否操作正常,方法:開了門轉動把手,看看斜舌是否伸縮自如,
再用匙試上面的方舌,如不暢順,可噴些WD40,使其順滑伸縮自如,檢查過門
鎖無問題後,問題就出自門框的鎖口,因近日天氣乾燥,濕度低,導致木門收縮
向內微彎,因此鎖舌與鎖口的位置不符,要用大力才能關門,要解此問題,將鎖
口向屋內移入少少,便能解決,不用換門那麼嚴重.如你對這一方有多少認識
和備有工具,大可自己動手,不必假手於人.

先用DW40噴下門鎖伸縮的位置, 同用DW40噴濕鎖匙, 來回扭動鎖膽數次, 如果都唔得, 可能係鎖膽的彈弓壞了, 要換。鎖唔洗成個換, 可淨係換鎖膽, 除非個鎖好特別, 牌子好冷門, 配唔番。換鎖膽好容易, 自己郁手都得, 成把換就大工程D, 因可能原本D窿位唔啱, 要從新鑽過, 記緊帶埋個舊鎖去買新鎖, 因如果新鎖過細, 冚唔到個舊窿會好肉酸, 仲會鑿爛你度門, 鑿姴度門D油。旺角一D賣鎖專門店如MEDECO, 都可安排師傅上門換鎖, 如你幫佢買鎖, 換鎖費大約$400, 不過把鎖就二千多, 都幾溶。鎖膽都要約$800 -900, 因我次次都係自己換, 所以 換膽費幾多就唔知啦。

點啲油落個鎖舌度, 幫佢做兩下運動就得啦.