電子問題...好急...請用中文答thx~(10分)

請問什麼是Flip-Flops? 有冇中文名? 有什麼用?
咁大個仔未聽過有中文名，照直解可以話係上下上下掛...........
Flip-Flops在電子學上用途甚廣，本身由八個AND gate所組成。可以將訊號既頻率除二，意味著如果有一個固定的方形訊號，用三個Flip-Flops除二再除二再除二，如果你有電子學知識，加少少想像力，這就是一個不停加一的加數器，而組成四粒Flip-Flops既output就會如下，
0000
0001
0010
0011
0100
0101
......
你可以見到最右手邊的次數頻密，而十位的那個數，轉既次數剛好係個位數的一半，這便是除了二，希望你懂二進制係乜……另外，你識既話可以幾為加數器、減數器、記憶體（當然係一粒Flip-Flops一個位元），搶答機等等等等

什麼是latch? 有冇中文名? 有什麼用?
其實Flip-Flops包含了latch，它就是Flip-Flops最初的構思，意思係可以捉住一些野，因為在電子學上，我要儲存數據，必需搵野記低佢，所以latch既作用就係，我而家左個"1"俾你，你就保存住，等我想要既時候再見問你羅。但與Flip-Flops不同的是，我們不可以為改佢既狀態，所以便要用Flip-Flops

電容有什麼用的? 在電路中沒有了電容會有什麼問題出現?
冇左電容會點？如果世上冇左女人咁點呢？唯有個個攪基囉，睇落電容好似冇乜用，最基本咪儲下電呀，除去嘈音（雜訊），除比以外，如果用電容同電阻組合，就會有訊號（頻率）的產生，係最基本既信號產生器，在無線電學上，電容用黎除去不要的訊號，因為當接收信號時，會接收埋一些我們唔想要既訊號（這些唔想要既信號係幫我地將想要既信號傳得遠好多，當信號到達目的地，梗係打完齋唔要和尚，踢走佢）. So~~最基本功能係儲電、除雜訊、信號產生器、過濾不要的訊號--冇左既話難以想像

amplofoer除了擴音之外,係咪d紅外線發射同接收都一定要有?
amplofoer未聽過amplifier就有，係用黎放大野既，有好多種BJT,OP-amp，大部份係想將微弱既信信加強或放大，所以紅外線就一定會有，唔加既話會好弱，令成日收錯野，或收唔到。

什麼是Xtal?
冇記錯應該係石英，用黎起震用既，只要加個電容接地，就會有訊號不停出黎，剛剛我講過，最基本係用電阻同電容產生頻率，雖然好平，但限制多多又唔準，石英就準好多啦，一般微處理器，主機版、搖控車既搖控同接收都會見到

隔左四日，唔知你仲急唔急...............