我是一個常常令媽媽生氣的小朋友，怎能改變自己的態度？

你好乖呀, 如果我個仔將來都好似你咁識問呢個問題就好啦^^

其實每個媽媽都係差唔多, 都喜歡聽話, 乖巧, 努力讀書既小朋友, 不過並唔係話坐定定就得人鍾意

聽話即係聽媽媽教導, 每當你做錯事時, 媽媽向你糾正時, 你要接受, 認為自己錯就要講對唔住, 認為自己冇錯都唔可以大聲反駁, 因為咁樣只會令媽媽更生氣, 你要慢慢向媽媽解釋, 說明實情, 乖巧即係唔會周圍攪破壞, 愛媽媽, 對別人有善等等...努力讀書就唔洗講啦~

不過每個媽媽都對子女都有唔同程度既要求同期望, 小朋友做唔到的話要坦白同媽媽講

又可能媽媽工作辛苦或者壓力大, 有時會無意中發洩左出黎, 而就算媽媽知道怪錯左小朋友都未必會對小朋友道歉架

不過最重要係同媽媽多D溝通, 你可以問下媽媽呢D問題, 媽媽聽到不但開心, 仲會諗原來你係咁生性~~
媽媽我乖唔乖呀?如果唔乖, 又有D咩野係唔乖架?
點解我會成日令媽媽生氣呀?
媽媽~你工作辛苦嗎?照顧我, 你辛苦嗎?照顧家庭, 你辛苦嗎?
媽媽~我愛你~你愛我嗎? ^Q^

得閒又可以同媽媽傾多D計, 最好每日都有時間可以坐低傾下計, 可以傾下每日發生過既事, 見過既人

最後, 如果事情到左好嚴重既地步, 可以搵社工幫忙, 當然係免費架啦

其實你懂得這樣問已經是一個乖孩子,你如果不想媽媽生氣,你就要留意當你做了什麼事會令你媽媽生氣,那你以後不再做就已經可以,當然如果有時你覺得自己無錯的話,你可以等媽媽嬲完之後跟她講出你自己的想法,因為你都是一個人有自己的想法,大人的想法不一定是對的,但記住跟媽咪講的時候是商量,不是激她.
有些時候你可以主動一點關心吓媽咪,例如:天氣凍了,問他要不要加多一件衣服,有時間的話做一些小手工比媽咪,我個仔仔今年11歲,以前他都好像你這樣激我,但不知是否他開始大個仔了,現在已經乖了很多,還會經常幫我做家務,天氣凍的時候會加件褸給我,其實這小小動作已經令我很開心!加油!

如果凡事你都自動自覺，媽媽就唔會嬲啦

幫手做家務~

2006-10-31 20:25:26 補充：
唔好駁嘴~~最好出少d 聲~~