✔ 最佳答案
玩具貴婦比金毛易打理, 養狗講眼緣, 鍾意的話兩隻一齊養無所謂, 睇你經濟能力啦!
衣 : 買件狗仔衫比細狗點都平過大狗,
食 : 貴婦食量比較細, 一袋3kg既糧食足一個月, 咁你就算買隻好d貴d既糧比佢都唔赤, 金毛我諗一個月食10-15kg啦, 最大包果隻囉!
住 : 你住村屋, 養咩都無所謂啦!
行 : 每日一定要帶金毛散步兩次, 如果你長期係屋企, 散步會係你興趣, 仲會識到好多狗友添! 不過你無咁多時間的話, 你要諗清楚, 帶狗狗散步係風雨不改架, 唔可以話今日落雨唔帶佢出去, 同埋你住村屋幾多樓? 如果成日要落樓梯, 會對大狗盆骨造成重大負荷, 尤其老狗
frontline, revolution呢d唔少得, 當然越重既狗份量越大, 越就越貴, 睇獸醫都一樣, 大狗既診金葯費都貴d, 同埋有時去街要用車載佢或搭的士, 唔通同佢屈蛇搭小巴咩? 同埋, 貴婦可以帶去petshop沖涼剪毛扮靚靚, 金毛要自己攪掂, 不過貴婦剪毛唔平架, bear bear裝要成680蚊架! 同埋貴婦比較易病, 如感冒, 唔可以冷親佢地, 手尾好長架! 尤其bb, 有病好易香, 金毛bb有病身體都強壯d, 去有信譽petshop買無咁易買到病狗!
一般純種玩具貴婦要成10000-15000, 唔純種就10000, 出面賣5000-10000果d係迷你貴婦扮玩具貴婦, petshop俾得一餐佢地, 等佢地無咁快大, 你買左之後就會越養越大隻, 你可以去寵物城訂, 果度既狗全部澳洲入口, 貨不對辦都有得告, 或者試下上網搵自家繁殖, 當然要睇埋父母個樣先好信啦, 玩具貴婦大定左得四磅左右, 手掌咁大, 迷你就十磅, 細過史立沙少少啦! 顏色及毛捲既程度都會影响佢地既price.
如果金毛一般都係四千至五千蚊到! qpet, 紅蘿蔔, 寵物城都信得過! $$既問題啫!