我屋企風水係咪好差，請高人指點。

我住觀煻區最頂個條XXX邨，再上叫寶達邨，40樓，向北，窗外景觀遠望到獅子山則面，基本上冇樓向前面，因為我個座係最高果幾座之一，樓下有條車路，反Ｌ形，我屋座向對正個Ｌ角位。屋極細，廚房、廁所、大門、房門，4度門形成一個口字咁樣，大門對廚房，廁所又對房門。我係住入走廊既第一間，個大廈垃圾桶就向部升降機前面，即是話，有小強的話，一定入我間屋先。

我2000年搬來住到宜家，搬來時屋企有2隻狗，4隻龍貓，1隻龜。1隻龍貓老死(應該係，因為都10yrs)，1隻死因不明(起身特然見佢死左)，1隻狗特然心臟病發(死時11yrs)，另1隻狗係老死(死時15yrs)。

宜家仲有2隻龍貓同龜健在，2005年買多一隻蘇格蘭摺耳貓，今年佢應該2 1/2yrs，今日帶佢去睇E生，話佢可能生癌，唉～我開始覺得，好似搬左來呢間屋，就養咩死咩咁。

自己身上的話，都係同拍拖十年男友分左手，跟住又識左個唔專一既人，攪到好慘。又搵唔到工，橫財更係零，幸好健康冇問題。

有冇高人指點下，但係唔好叫我搬，冇錢～應該係未有錢過。請救救我啦！

請勿老作、斷估，救人一命，公德無量。