✔ 最佳答案
要做到俾Miss重用,最重要同最基本既,就係自我形象既建立。最好受同學歡迎(起碼同大部分人都會有兩句傾)
自我形象:意思即係要俾老師一個積極學生既形象。下面有d例子,你大可一試~
1. 多d私底下問佢功課上既難題,令佢感覺到你充滿求知慾,呢方面對於一個學生黎講非常有利。
2. 上堂佢問問題果陣通常都冇咩人答(好多人懶得去答,所以識都唔舉手),呢個時候你就可以主動舉手(當然要識答),俾老師feel到你與眾不同,非常主動。
3. 分配職位時,各科科長、班長、班會成員等職務,都盡量參與,咁就令你成為班中一個要員,同時你亦都應把握機會展示你的能力,將所有職務做得妥妥當當,等其他同學同老師都放心滿意,咁就俾人知道你充滿責任心,亦放心委以重任。例如你收功課,最好盡量收齊(親自去追收同學功課,語氣要溫和,咁起碼都有個機會同其他靜d既同學對話),盡快交俾佢,等佢覺得你做得好好,然後就會漸漸交好多野你做。
4. 爭取民(同學)心,同學有需要幫助時,傾囊相授,又或傾力協助,即使真係做唔到,都扮下盡晒你所有能力,等佢覺得你有用心去幫佢諗辦法,咁即使你幫佢唔到,都可以賺到印象分。見到有同學唔係好舒服,就行過去問候下佢,即使係一句「你冇事丫嘛?好好休息喇!」都已經俾到人好大既好感。如果你夠幽默咁仲好,同d無聊冇野做既人吹下水,問下佢近況,咁都會有野傾,漸漸就會熟絡(當然要做一個專心聆聽者,最好俾d意見佢)
5. 以禮待人。唔理對住邊個都好(除左對住自己d老死),都要有禮貌d,你收功課,人地交野俾你,你要講「唔該」。講野要理人感受,盡量唔好囂張,唔好太執著怪責人,俾機會俾d有負於你既人。做功課就算唔叻,都要整齊,俾個好形象老師。
以上5點都係提高自己係老師同同學心目中既形象,只要做好呢點,我相信你絕對可以被重用,被同學依賴。
(我因為做到以上既野,所以依家同老師同同學都傾得好埋,學校生活算係幾開心~身兼兩科科長亦令老師知道我既能力)