我入職後一日而是出辭職，佢要求我賠償３個月人工，求助

勞工法例:

1. 試用期內的首個月，終止僱傭合約無須通知期或付代通知金。

2. 試用期內第一個月後，須依照僱傭合約的明確規定，或僱傭合約無明確規定，須不少過7天通知期或不少過7天工資的代通知金。

3. 無試用期/試用期後，須依照僱傭合約的明確規定，或僱傭合約無明確規定，須不少過1個月通知期或不少過1個月工資的代通知金。

照道理你未過試用期，係唔洗賠。佢叫你賠係蝦你唔識勞工法例。唔好比佢蝦到你。

就算你過了試用期，你都可以唔賠比佢，咪叫佢勞工處告你。通常佢都會怕麻煩，不了了知。

我之前都試過，間公司勁搵笨，做了7日已經過試用期，成日扣人錢，但辭職要賠3個月，所以電話都無打就唔反工，令佢搵唔到我，之後收到勞工處的約見書，但當收唔到，之後就收到份小額錢債的資料，叫我出庭，但事前要寫份資料，點解要咁做、點樣先會和解等等，我咪寫左一大份文章講佢點樣黑薄我，然後交比勞工處同佢睇(雙方必須將文件交給對方)，可能佢見我寫衰佢(係事實，我又有證據)，佢就怕，之後我就賠左相等於1個月工資的代通知金。整件事才完結。

希望可以幫到你，及希望你之後都可以搵到間好的公司及老闆啦!!

2006-11-01 17:29:55 補充：
1. 其實你可以問佢攞反1日工資，但1日工資都唔係好多，通常d人都唔會攞。2. 其實勞工處真係唔會好幫到你，我都試過，因為佢地通常講的說話好中性，成日都叫我賠錢，總知係唔好攪到上庭就最好。除非真係老闆好明顯欺騙你。

2006-11-01 17:59:12 補充：
3. 無論過了幾多天，就算未過1個月，你簽左份contract，就要依足contract的內容，否則叫毀約。勞工法例都列明清楚[須依照僱傭合約的明確規定]，若無明確規定才依勞工法例。試用期合約都算僱傭合約一種。所以我做了7日已經過試用期，當時確實要支付合約列明的3個月代通知金，佢係怕上庭麻煩先會同我和解咋。

你一毫子都唔洗俾佢....佢仲要俾返一日人工你呀!!!!

你而家第一時間聯絡勞工處,同佢講左呢件事先,
之後佢地會跟進架喇!!!

首先~話一樣好重要既野俾你知,等你第時出去搵工都唔會再俾人咁屈,
無論你曾經簽左份contract係講咩都好啦,
根據勞工法例,
顧員入職滿左一個月之後....你所簽既合約先有效架,
所以就算你簽左都好啦,你第二日就唔做,
份合約係唔成立架,
我講既係千真萬確架,我都曾經同你一樣,
所以我問過勞工處^_^

總之你唔好俾呢D無理既顧主呃呀,
快D打去勞工處喇!!!!!!!!!!!

2006-11-01 14:01:28 補充：
仲有....記住帶埋你所簽0個份合約俾勞工處職員睇,因為呢份合約係唔合理架,無可能未滿三個月內唔做要賠返三個月人工俾公司架,如果你搵勞工處,我諗你間公司都幾驚囉^^

你要負責並賠錢,從你描述他沒有話炒你
首先你沒有看清楚便簽合同.而且沒有了解便想辭職
你太不小心
份contract唔會上庭時作廢,因沒有違反勞工法例
立即找勞工處,工會議員幫忙
否則你俾硬

如果係咁你拎埋封信去勞工處,睇清楚間公司以咩理由要你賠錢,
而且你那時有無簽任何合約,而那份合約入的條款有無寫你唔做要點,你就寫左唔做要賠的,咁你由頭到未,未提出辭職的,你咪睇下擴工又會點,因為你這樣可以當擴工計,
而你同你老闆的電話內容有咩人可以證實?他有無真正講過炒你的說話,呢點你一定要十分清楚,最好你可以背到出來就最好la~
勞工處會睇晒你d 野之後,會問你的意向,你係想搞大,還是唔駛賠錢lei~

去勞工處球求助

正常你應看清楚合約

但你而家只可以話你問老闆想辭職，問個老細駛唔駛賠錢俾佢，但冇正式話辭職,而果個老細駡完你之後叫你唔駛做,等於佢炒你

please call the labour department