幫貓咪減肥~求幫忙

我其中一隻貓貓都有超重的情況, 6.4kg, 死未, 個肚腩一路行, 一路兩頭擺, 不過佢似洪金寶, 唔似滔滔。我獸醫話除咗一些大型貓種如娜威森林貓、布偶貓同緬因貓外, 其餘貓種最好keep 係5kg樓下。因貓性格好食懶非, 唔多鐘意郁, 特別是成年貓, 所以最好一開始就唔好俾佢肥。先留意佢致肥的原因:
1. 唔肯郁?
2. 已絕育, 所以受賀爾蒙變化影響?
3. 食太多零食、高脂食物同肉類? 一些較平價的貓糧會混入大量動物內臟, 亦會令貓貓變肥。
4. 放長兜而令貓貓食量過多?
我請敎過一個breeder的減肥心得, 佢話首先每日要同貓貓玩, 運動15分鐘, 不用太多, 太多佢都唔會睬你, 試吓用d長帶狀的野引佢, 好多貓都鐘意ka。 餵食方面, 如果佢唔肯食減肥糧, 你可將每日的食量減四分一, 再分三餐食, 例如佢一日食80粒貓糧, 你就俾60粒, 分3次, 每次20粒, 錦貓貓就唔覺禁肚餓ka la。
貓同人一樣, 太肥會出現好多毛病, 如糖尿病, 心臟病, 肝腎負荷過重, 還有關節毛病, 所以你要努力。

2006-11-03 11:38:11 補充：
原來你隻貓禁老, 咪人既八九十歲? 唔掛之得, 動物同人一樣, 老咗新陳代謝就會減慢, 你仍然俾d後生仔野佢食, 佢吸收唔晒咪會變痴肥囉, 我隻貓8 歲, 我獸醫都要佢轉老貓糧啦, 呢個唔係乾糧定濕糧的問題, 而係營養過剩的問題。老貓亦唔會點玩ka la, 因佢地的關節開始退化, 你睇d公公婆婆有無成日跳紮紮。

不知你給貓貓吃開什麼，但可以改一下飲食習慣，
Ｈｉｌｌ’ｓ有一隻是有一些植物做封面的貓糧，可改善貓貓的情況．
另多些與活動啦～多些玩吓啦～

首先你一定要轉適合佢年齡的貓糧（老貓糧）．一般轉糧不可突然完全改變，因成貓糧味濃好多，老貓糧脂肪較少味較淡，故應遂漸將新糧由加２０％，４０％，６０％直至他慢慢接受才完全改用新的貓糧．如你一下子由濃轉淡，他當然覺得無引絕食抗議．

如年紀大的貓貓經常叫食及口渴，須加倍留心，這可能是糖尿的病徵，須即向醫生求助．另一簡單測試的方法可到藥房買糖尿試紙為他測試．如果真的有糖尿，嚴重時可導致生命危險．故不可輕視．

我試過用1年時間去同貓貓減肥。

首先,要狠下心腸,貓兒喜歡的零食及高脂糧一概禁止,開始的時候貓兒會不肯吃減肥糧,但一定要堅持。多與貓兒玩,玩什麼也可以,引貓兒多走動,成效會大一些。貓兒過肥會對健康帶來災難,為貓兒好,一定要努力,

貓兒既然10歲多,吃老貓糧也很合適,老貓糧的脂肪量也較成貓糧低。

老鼠!~~電老鼠/用野打佢~以後把野飛走~
日日做佢會減肥~~