PCCW 投訴電話，不用話音，宜接同經理投訴

我聽到你o甘o既遭遇, 都好有同感, 因為我之前都有個投訴, 來來回回成兩個月, 仲要係我有理據, 但PCCW都此住自己大公司, 大石壓死蟹, 仲唔覆我添! 終於有一個任職PCCW既朋友教我先追返個公道, 取回自己多比o既錢.

佢o地所謂經理無直線電話o架, 你一定無可能知道. PCCW好廢, 因為慳錢原因, 電盈個熱線係駁左上大陸, 即係話接電話o個o的唔係香港人. 若然你要同經理對話先o益你等, 因為接電話o個o的所謂客戶服務主任(應該係大陸人, 因為通常都答得驚驚青青o甘!)都唔知香港有邊個經理On Duty...

你可以參考下我之前個投訴流程, 試下幫唔幫到你. 你打去熱線要求同In Charge對話, 個客戶服務主任問你o羊事你淨係同佢對個人資料得, 因為費事花時間, 個主任無權豁免錢o架. 個主任通常等一輪駁你去或者o益當值In Charge比你, 如果佢話In Charge講緊會覆, 你一定要凶個主任confirm一個時間, 例如聽日幾點前要覆o甘.

之後個In Charge覆你就講佢知o益佢跟, 記得記低In Charge個名, 同埋confirm一個call back時間, 如果唔係o個o的In Charge特登你返工或者唔得閒o既時間覆你, 因為佢o地個投訴基制係如果接到一個投訴, 打比個客三次聯絡唔到就可以close左個case, o甘比著你打份工都想避o架, 所以你一定要o個位In Charge講定一個回覆時間.

通常電話來回幾次, 如果你個case係你有道理, o個位幫你跟o既In Charge會懶係o野首先游說個客豁免一半費用, 即係收多左五百就比返二百五個客, 如果你唔想花時間再玩落去, 就OK, 但如果你大把時間, 又或者好似我個case認為自己無錯, 就要企硬o的.

個In Charge一定話要check, 因為PCCW睇呢o的錢睇得緊, 換句話講, 個In Charge都有難處, 不過你肯花時間有道理相信可以追, 好似我前係花左兩個月...

之後好彩個In Charge會豁免全數(因為佢o地個權係有上限, 例如三百蚊樓下, 你如果好似我五百蚊以上就麻煩o的!), 如果唔係麻煩你花精神打一封投訴信去電管局, 同一時間forward比PCCW, 最好forward埋臺週刊同消委會. 最大o既目的係迫PCCW去跟. 一般幾日會再有專責人員覆你, o甘你就企硬o的要求更高級o既人跟進, 通常都OK!

**希望我打o甘多字唔會浪費, 因為好戥你唔抵, 最緊要我o既建議可以幫到你追到個公道啦!!! 以下係你可能需要用到o既網址同電郵地址.



電訊管理局的電郵地址(公眾查詢及投訴)
[email protected]

網上行電郵地址
[email protected]

消委會投訴網址
http://www.consumer.org.hk/website/ws_chi/complaints_and_advices/how_to_complain/howtocomplain.html

臺週刊投訴網址
http://next.atnext.com/template/next/complaint.cfm

我而家都有俾PCCW老屈緊NOW TV錢，交涉o左成個幾月都冇回音，
我都係時候打封正式o既信俾pccw同OFTA！
謝謝，你的資料對我很有用！

首先我告訴你, 中了此陷阱的人, 不只你一個, 我亦是其中一份子, 不過我是中了PCCW的塞滿E-MAIL BOX 騙錢術, 通常大多數人都不經常Check PCCW 的 E-MAIL BOX, 給人e-mail address 大多數都是給Web mail 的戶口, 因為以為沒有 e-mail 在 box 裏面, 誰知第一個月是兩仟多元, 第二個月是四仟多元, 當我發現PCCW自動轉帳扣了我共六仟多元時,就詢問我兒子為何PCCW寬頻戶口竟然需要這麼多錢的時候, 他才驚覺是他的e-mail box 8 MB 爆滿, 我去詢問PCCW怎樣計算這些錢的數目時, 他們答覆我就是 8 MB 容量爆滿後, 以後的容量就續 MB 計錢, 但當我Check box 裡面的 mail 時, 都是一些廣告, 或不知甚麽古古怪怪的無聊 mail 在內充塞而滿瀉, 因此我相信這是一個騙錢的計劃, 就去消費者委員會處投訴, 不過該處的職員告訴我, 你己不是第一個中此陷阱的人, 因為你兒子在與PCCW 簽寬頻合約時, 內裏有一條條文是寫送給你一個 8 MB 的e-mail box 容量上限, 滿了就每 MB 儲存量要計錢, 因此該公司就合理的收取你的費用, 所以你投訴都不能成立, 只因你兒子簽約時沒看清楚內裏的條文, 而給一些無良商人用條文來騙你的錢, 尤其是自動轉帳的戶口, 就騙得更容易了, 讓一些不甚懂得條文合約的青年去中陷阱, 我兒子就是年青的小子, 亦無暇去看清楚那麽細小的條文, 以為是一間大公司, 為市民服務的機構, 簽的約就一定沒問題, 所以就中了陷阱, 不過錢却是由我銀行戶口, 自動轉給老千商人的口袋裏, 我兒子就沒有損失, 損失的却是我.

有了這個經驗之後, 所有PCCW 的 Now TV 甚麽免費送給你看不收錢, 我通通都不要, 不過居然又在我戶口帳單內計多三十元, 不知是什麽費用, 我打電話去問, 怎麼又亂扣我三十元, 問是什麽費用, 竟然答我, 說我是在電話處答應加的什麽多一樣服務, 所以要收多三十元, 我真的莫明其妙, 所以問是誰在電話答應你公司加多一樣服務的, 真被這間無良公司氣死, 後來在我投訴後下個月就幫我取消了這個不合理的收費, 是以各位緊記不要給人騙錢, 每月都要在網上清清楚楚看真你的帳單, 以免又再跌到騙錢的陷阱裏,而我現在天天都要兒子Check PCCW 的 e-mail box, 現在總算平安無事.