點樣帶貓出街最安全？

我的經驗係用箱比較安全; 雖然比較重(要你揹著或拎著嘛), 但物料較堅固, 例如膠製或藤製貓箱, 會好過用布, 因為貓爪鋒利, 好易抓穿. 而且, 貓箱一般有門有扣; 雖然袋都有拉鏈, 但以前試過咁啱隻貓抓住條拉鏈, 兩隻貓爪插咗入d空隙...
唔知你隻貓有幾大, 可以的話, 最好係箱入面墊d布塊, 防止貓貓發起癲亂抓, 抓傷自己, 甚至, 佢真係亂衝亂撞, 都可以減輕衝擊力, 減低受傷風險囉.
最好之前一兩日就同佢傾多d計, 同佢溝通; 出門前畀佢食d心愛的食物, 甚至, 可以放d貓草係箱入面, 引佢入去食. 預早半個鐘會比較好, 至少有時間畀佢適應個情況.


2006-10-31 14:44:26 補充：
因為貓唔似狗, 唔多enjoy出街架; 我以前養的貓, 除非佢自己想曬太陽, 就會出門口(因為以前的屋企有露台). 有時我地打開門口透吓風, 或者倒垃圾, 佢八卦好奇先會出去. 但一帶佢出街就死抓住唔放, 驚你賣佢咁.而且, 貓貓一般都比較內向同怕生; 如果佢上次出街有唔愉快的經驗, 你真係休想下次再同佢出去囉. 所以, 除咗去醫務所, d護士同獸醫會有適當護理外, 你自己都要好小心照顧佢, 以免佢留低陰影, 覺得出街係件慘事呀.

用箱、用籠、用袋都無問題，最緊要加多條脛帶同籠或袋相扣就唔怕走出嚟，就算走得出嚟都唔會走得遠。

帶貓出街，可免則免，貓拍(墨)生環境，用籠或硬身袋加頸繩較安全。籠加布蓋。

一歲半貓要用飛機籠, 你去籠物店就買到, 大約百零蚊一個, 又安全又穩陣, 唔怕貓貓發惡衝出黎

我都試過帶去睇醫生用貓袋, 結果唔係俾佢抓死就放o左入去都跳番出黎, 都唔知咁驚仲乜鬼; 最好o既方法應該係用籠, 引佢入去之後再用黑布蓋好先帶佢出街, 去到醫務所就自然有姑娘幫你手啦!

題外話: 以前試過帶佢落公園散步以為佢會好開心啦, 誰知佢又係驚到行都唔敢行, 最尾行到鬼鬼祟祟爬o係度行好似偵探跟蹤人咁! 笑爆咀呀...