✔ 最佳答案
當然可以啦..
你有相片帶埋去.有埋size仲好.佢地一定肯做.
再唔係叫個設計師上宜家睇一睇囉.
不過宜家傢俬d料唔太好.畎!佢腦庶渣板.而且又係大量生產既關係.會平好多.
但係係出面訂造.人地只你為你一個櫃而訂造.加上用料唔同.價錢相對黎講.一定貴.
櫃既款式,內隆間格.用既物料全部你都可以自己話事.因為最終都係要經你簽名確認.佢地先會上圖做貨嘛.
一般訂造傢俬價錢..
高身掩衣櫃門櫃 $900~$1200
高身吊趟衣櫃 $950~$1400
高身書櫃 $750~$980
中腰櫃 $600~$800
用料多數係MDF.中纖板.
仲有夾板,(夾板通常用o係廚櫃)
面料有
!.)木皮
2.)木紋紙
3.)焗油
4.)膠板
當中木皮最貴,而膠板就要睇你用咩款式膠板啦..有D款式特別D.可能仲貴過用木皮料.
你可以去..
1.)土瓜灣馬頭圍道 ~ 漆咸道北
2.) 北角 渣華道
3.) 深水步 青山道
4.) 沙田 中央廣場
5.) 將軍澳 新都城一期商場
6.) 黃埔 家居庭
7.) 荃灣廣場
以上都有好多,同集中既傢俬鋪,