幫朋友上會出車

2006-10-31 9:45 am

我有個老死想出部貨車做生意,但係佢就唔生性,個底都幾花,所以唔可以自己上會做車主,就想揾我幫手上會(凈係掛名,唔使出錢),但係我有幾個問題想問:
1 – 如果佢第日斷供,我有無影響?
2 – 如果第日架車撞到人,或者發生其他意外,又或者架車有不法用途比人捉到,我使唔使負上乜野法律責任? (簡單D,會唔會有事?)
3 – 我點知架車之前係咪清白?
4 – 仲有乜野要注意?
多謝各位指點指點!!!

回答 (4)

joe

2006-10-31 10:11 am

✔ 最佳答案

1- 如果佢斷供,就等如你斷供,你上梗身。
2- 你代佢上會就係你做車主啦,任何涉及你名下車輛嘅法律責任一定係你負責,不可避免。
3- 買新車就唔駛擔心啦,如果二手車就會有份合約嘅,一般實會有買賣日期,所以都係唔駛擔心嘅,除非你買埋D鬼鼠車啦。
4- 最好搵D忠實車行買,免得俾人屈啦,旺角好多屈檔,小心!小心!

👍 0 👎 0

用戶15994

2006-10-31 1:24 pm

我支持好朋友有通財之義，但還要牽涉到你自己都控制唔到之可能法律責任，就要諗諗啦。幫人都要有底線的。

👍 0 👎 0