威爾斯哥基犬是否容易飼養?

我都有養哥基, 現在差唔多十一個月大, 剛絶育.

哥基仔細個時係會不停咬野, 因為佢牙癢, 你可以俾佢多d咬得的玩具佢咬, 等佢知道乜野咬得, 乜野唔咬得, 如果佢咬d唔應該咬的東西時, 要講no, 等佢知道唔可以咬. 另外, 如果佢咬你手手時, 你可嘗試伸隻手落佢喉嚨(咁當然唔係好入),等佢有唔舒服的感覺, 慢慢地佢就唔會敢咬你啦...我記得當我耐心地去提醒佢後, 到了大約六七個月大時就冇乜點亂咬野啦.

至於跑方面, 講真, 哥基仔性格係好活潑的, 有好大精力, 所以佢會跑來跑去都正常. 將來當你的哥基打哂釘後, 你可以多d帶佢出街減壓同埋發洩精力, 咁佢喺屋企就唔會跑太多了.

狗仔係貪玩D, 又發牙痕, 哥基犬要做運動, 唔可以成日都困住, 佢跑黎跑去係開心同埋做運動啫, 大咗之後你帶佢多D散步咁就唔會週圍跑, 而牙痕等佢換牙後就無咁痕架喇, 就唔會亂咬野, 你俾多D牛奶骨及玩具佢磨下牙啦!

每隻狗狗性格都唔同, 無話邊隻易養, 最重要你係愛佢, 佢知架! 你多D同佢講野, 好似人仔咁對佢, 教佢識規矩, 大左就會定性D! 狗狗比較痴及聽話俾飯佢食果個架!