我想問...由天后蘋果商場附近去渣華道室內運動場

天后蘋果商場一出去望住大馬路,你既左手邊係往銅鑼灣方向既,右手邊就係去北角方向既,你可以選擇搭往北角既電車上車,就o係北角總站落車,落車後吾好行返出去大街(即英皇道),你落車果條街叫糖水道,沿糖水道行,(記得係返英皇道方向)!!o係第二個街口, 你面前打橫呢條街就係渣華道喇,而你既右斜對面,大約一點鐘方向就係渣華道市政大廈喇,亦都係你要去既渣華道室內運動場呢!!
如果你選擇搭往北角打後,即往(魚則)魚涌,西灣河,筲箕灣方向既車呢,當你見到北角地鐵站就要落車喇,o係北角地鐵站既斜對面,面向大街(即英皇道),你既約十一點鐘方向就會見到一間成日做大戲既新光戲院,行過去新光,背住英皇道,你既右手邊條直街就係書局街喇,沿書局街行入去第二個街口,你面前打橫呢條街就係渣華道喇,那時你既對面(左手邊),就係渣華道市政大廈,亦都係你要去既渣華道室內運動場呢!!
PS.你沿電車行既果條大街就係英皇道!!