養小狗..幫幫手~

小弟都有養狗,而且有2隻 希望我的經驗可以幫到你啦 ^^

1)你可以拎去寵物店到,等佢地d店員同佢剪不過千祈唔好沖涼...因為狗仔太細過沖涼唔好的~最好打完第3枝針之後先同佢沖啦...不過我睇開果個醫生就叫我係第2枝針打完後拎去沖涼(佢話太臭 -_-) 咁你可以問下醫生既意見！

2)其實狗食完係想訓架...我果2隻狗(1隻4歲了...1隻快5個月)老的果隻比較鐘意訓...細d果隻呢就同你隻狗一樣玩一陣就會趴底休息...之後訓醒就要同你玩...(好煩=_=我老果隻細時都唔係咁可能係因為佢有病啦)

3)你要強硬一d...將佢鎖入籠裡面...即使佢點叫你都要唔好理佢...咁之後佢就會慢慢適應架啦！而大小便方面呢...起初1個月我都係俾佢入籠解決的...現在我己經買了一個專給小狗用的廁所(一舊鐵咁但中間有一層俾你放野入去,例如:報紙呀...尿片果d)等2隻狗去用啦...起初可能佢會亂咁疴,但你教完佢去邊度解決之後,佢就會識架啦(雖然要花好耐時間..但都值得!記緊別放縱佢唷...不然佢就一世都係咁..)

4)我隻狗係寵物店買時己經是一天吃2餐的...其實我都是在中午時和晚飯時才餵他的！

若有其他問題，歡迎寄信來問問 ^^

(1)腳甲淨係剪尖位就O.K，千祈唔好攞出去沖涼，好易中招架！！！！！
(2)係，好似Ｄ BB咁
(3)你試吓响個籠度張毛巾下面擺個鐘(唔係電子鐘，有滴滴答答聲)，等佢覺得好似阿媽個心跳咁，佢會舒服Ｄ
(4)半歲度，早晚各一
小狗响新環境要慢慢適應，俾多少少時間，唔好唔開心啦！！！！！

你狗狗係咩品種? 每隻狗狗去到新環境都會唔習慣, 同埋未見過陌生人, 啱啱離開媽媽, 我都唔開心啦, 更何況佢咁細個就梗係驚啦!

1)剪指甲你可以自己買個狗狗指甲鉗幫佢剪, 要抱佢耐D先等佢訓著或攤左係到先剪, 佢郁就唔好剪喇, 第一次就剪到佢, 以後都唔洗旨意幫佢剪指甲, 唔得的話去PETSHOP俾四十蚊人賺啦!

2)BB狗比較鍾意訓, 玩一兩個鐘就訓一陣, 正常喎!

3)其實最好困住係籠先, 頭幾日可能會叫, 驚丫嘛, 你又可以試下抱佢等佢訓先放入籠, 同埋俾條厚毛巾佢墊住訓, 因為BB狗怕凍同埋無安全感, 開埋燈等佢有D安全感先, 所有狗狗都要教先識去廁所, 你可以問返之前個主人, 佢平時係點樣去廁所既, 有D一早困籠去, 咁就易D, 最好跟返係前主人果時個環境俾佢啦!

4)其實BB狗食三餐會易吸收D, 因為佢仲細, 肚仔又細, 一次過唔可以食太多, 可以的話俾三餐, 唔可以的話唔好超過十二小時餵第二餐, 盡量俾免治雞或牛肉或狗罐頭撈糧佢食, 狗狗要食肉先夠抵抗力, 你怕佢肚餓的話, 用個水樽裝支糊仔等佢飲啦!

你BB有無怕光? 有無匿埋係梳化底或黑暗地方? 因為狗狗有病都會畏光架, 你要小心D睇住佢呀!

1.try to 給他磨指甲 when it is sleeping
2.yes
3.你試一試用狗屋
4.I don't know

2006-10-30 19:52:43 補充：
電腦錯誤4.I don't know

2006-10-31 10:29:57 補充：
4.6個月