我想問~可唔可以分析香港迪士尼失敗的原因?

首先我想問現在的香港迪士尼是否失敗?
是的。
因為迪士尼樂園有店大欺客之嫌，它不但屬全世界最小，而且小得簡直可憐，連最小最老舊的加州迪士尼樂園也比不上。人多之時，遊人無立足之地；人少的時候，四個小時便可以玩完所有項目，但它的收費卻比海洋公園貴三分之一，比起其他迪士尼樂園也只便宜了一點點，物非所值，這是香港迪士尼樂園致命的原因！

此外，由於管理不善，負面消息頻傳，從遊客的不滿到員工本身的投訴接連不斷，可說是眾叛親離，內外交困。由開幕初期遊客爆滿至今變得遊人冷清，說明了公眾的眼光是雪亮的，迪士尼樂園這超級品牌掩蓋不住它本身的缺點。若再不徹底檢討，大力改進，必然令迪士尼樂園的神話破滅，也會給香港旅遊業帶來難以估計的損失。

香港政府是香港迪士尼樂園的大股東，他們有責任敦促迪士尼管理層力挽狂瀾，因為迪士尼樂園不但涉及龐大的投資，也是香港經濟轉型的試金石。
又與全球化有沒有關係?
當然有關。如果香港迪士尼樂園失敗了，全世界對香港的信心也會遭到挫敗

香港迪士尼並唔算完全失敗.

失敗既地方:
1. 一開始被睇得太好, 高估左佢既影響, 呢個唔單係迪士尼既問題, 香港政府本身都有問題. 過份樂觀!
2. 初開幕的時期基本上係有行政失當, 單單睇06年農曆新年果幾日已經知道, 有乜理由農曆新年明知香港人大陸人都有假, 居然唔係賣指定日子既門票. 唔知大家有無留意, 爆滿果3日仲要係平飛(295一位成人, 唔係350), 點會唔吸引人去玩呀.
3. 初開幕的時期, 除左一般門票銷售, 香港迪士尼對旅行社既團同埋包銷都無好好既支援, 大家都知道既係俾travel agent既bonus/discount唔多.
4. 香港迪士尼完全無預計到中國大陸遊客的文化背景未有好好配合. 例如大陸遊客甚少會有認識迪士尼卡通的, 但香港迪士尼正正sell將迪士尼童話變成現實, 可惜大陸客未必個個識欣賞, 只係當去左一個公園行下. 甚至有人將chip&dale誤認為mickey&minnie, goofy&pluto係一隻普通狗公仔, 跟本做唔到一個好似美國/日本disney咁magic既童話世界.

被認為係失敗既地方:
1. 地方太細. 但係呢個跟本唔係一個失敗, 而係投資策略. 第一, 由細開始可以有更多空間發展, 一路起新野可以增加新鮮感. 第二, 一向迪士尼樂園都係慢慢擴建, 無論美國定日本都係, 再者經過euro disney(現稱 disneyland resort paris)的一役, 迪士尼學會慢慢投資, 而唔係一次投資一大筆金錢結果要等好長時間先可以回本. 第三, 跟本成個香港迪士尼都係填海填出黎既, 99年先正式落實, 06年開幕, 7年時間填海加興建, 唔會有好多野可以起到. 其實成塊地既填海工程(計埋第二期既地)08年先完全做完, 可以用既地方仲有好多, 未預備好者.
2. 入場人數少. 根據我既觀察(我兩個地方都去過唔止一次,係淡季平日去), 基本上香港迪士尼同海洋公園既每日入場人次唔會相差太遠, 海洋公園既入場人次能夠多過迪士尼唔出奇, 因為(1)海洋公園老人家日場唔洗$$$, 仲要交通方便, 鄰近香港仔多個屋村屋苑, 應該會有唔少老人家去. (實際數字就要海洋公園先知, 但呢個推論尚算合理:P) (2)海洋公園既halloween人人都知,仲好多人鐘意, 而且係另外買夜場飛, 入場人次分開計, 一日分兩場, 一日做兩日生意, 勁!


其實香港迪士尼仲係一間新公司, 好多野都要調整, 俾d時間佢地, 好難同其他disney或者海洋公園比, 畢竟其他地方有三,五十年歷史, 邊有得比wor.

2006-11-01 03:48:10 補充：
香港迪士尼既入場費相比全世界所有主題公園來說並不是太貴, 只是因為有海洋公園既門票而有比較.員工的不滿的確有部份係香港迪士尼本身無好好計劃而發生的, 但係試問一間公司點會完全無錯, 又或者可以令所有員工都滿意? 所以我覺得呢個算係失策.初期的香港迪士尼遊客爆滿係正常的事, 新景點當然會比較有吸引力. 難道到回復正常客量時就說是計劃失敗? 如我之前所說, 香港迪士尼錯在於高估了迪士尼品牌的影響力, 做了錯誤的預測.另一個香港迪士尼可以做的改進係好好預備面對負面新聞, 可以既話減少負面新聞的出現, 尤其是香港傳媒/香港人都會注意響負面新聞果道.

2006-11-01 03:48:28 補充：
上面既朋友仔既post本人有些少愚見:1. 香港迪士尼根本唔係抄海洋公園, 你有無去過兩個地方架? 佢地唯一一個相同地方係佢地都係(主題公園).2. 迪士尼由始至終都係sell一家大細一齊玩, 變左就唔會係disney, 所以halloween都唔會玩horror, 響其他disney可以成功, 響香港都得, 因為始終有人會怕玩horror既野. 只係唔同人有唔同喜好. 我都好鐘意哈囉喂架!

其實ｄｉｓｎｅｙｌａｎｄ　專登整甘細ｇａ．．．．．佢想一年一年甘加ｄ　野上去，好似ｊａｐａｎ　果果甘，甘先可以ｍａｉｎｔａｉｎ　個新鮮感ｇａ，比ｄ　時間佢ｌａ，唔好一口咬定佢失敗，（ｐ．ｓ）　ａｌｔｈｏｕｇｈ　我都唔中意佢ｄ　機動ｇａｍｅ．．．．．

我的個人意見是迪士尼失敗, 我覺得他太重視自己的style, 唔肯去改變, 例如今次ge halloween, disney 都係死性不改, haloween 原本就係以horror 為主, 但係disney 重係保持卡通ge style, 唔肯去變, 因次ocean park 做得好過disney

我想香港迪士尼失敗的原因是因為很多東西都是copy海洋公園

我只是二年級，不要怪我！

2006-10-31 20:26:00 補充：
地方細，機動遊戲少，價錢唔合理，多負面新聞，飲食區域的椅及枱唔夠。

地方太細，機動遊戲太少，價錢唔合理，太多負面新聞，飲食區域的椅及枱唔夠。