是否應該結束了？

佢住在我家附近，上年F.7，和我同一間學校（我當時是F.6），平日搭同一架巴士，本來完全唔識，不過上年佢比前年早左一班車，所以同我同一個時間上車，於是我就認得佢la，但直到佢F.7farewell，我地都一直無講過野，我亦對佢無feel。
但是偶然一次機會下，我在學校天台做功課，佢又咁橋在天台溫書，所以我地就開始傾偈，彼此感覺良好，好似勁耐無見嘅朋友咁。之後我地間唔中都有聯絡（但大多數電話都係我打），出過兩三次街。我越黎越覺得佢個人好好，不過直至今年暑假最後一次見面為止，我都係對佢無feel，反而我覺得佢有野多d。
佢今年升左去港大，所以要住宿舍，好耐無再聯絡，但我竟然發現自己好似鍾意左佢。上個月偶然同佢講左幾次電話，佢重係好eager咁同我講野，不過到左十月，可能係好多野做啦，佢個人好似完全變晒咁，對我勁冷淡，打電話俾佢佢第一句話「你好」（正常人唔會咁嘛？），又唔理我msn同sms，佢到底發生左咩事？咁係咪代表佢有女朋友la？
我好想忘記佢，但我做唔到……本來滿喜歡港大嘅文學院，但佢都係港大，我驚自己又亂諗野……
我應該點？