✔ 最佳答案
請即帶狗狗去睇獸醫, 青光眼係無得醫架, 狗狗眼珠正唔正常呀? 係咪正中架? 有無射喱呀? 我對上果隻就係青光眼盲左, 佢得三個月咋, 寵物店話收返自己醫, 醫返好俾我睇過再領養佢喎! 唉! 醫生都講到無得醫, 另外果隻都會盲埋, 青光眼有遺傳性或後天, 80%係遺傳, 無得救, 只可以用葯水控制不會病發, 但一病發, 眼球會脹大到好似要突出黎, 狗狗會好痛, 要立即切除, 裝隻義眼上去, 通常兩隻眼都會盲, 後天係受到外來創傷所引致, 如果狗狗有遺傳性青光眼, 而又病過, 咁會早d病發, 只能夠長期幫牠滴葯水控制, 你留意狗狗有無用手抓眼既習慣, 有無射喱, 成日濛起咁! 佢痛會抓眼架! 唔好俾佢成日抓隻眼! 獸醫有個儀器幫狗狗量度眼壓, 正常係10至15, 超出既話已經係發緊, 我狗狗已去到45及25, 佢話無得醫喇! 如果盡早醫, 可以盡早控制個病!
有某d狗特別易有遺傳性青光眼, 貴婦犬係其中之一種!