21 歲都未拍過拖會唔會好唔正常?

2006-10-30 11:09 pm

自己同 d fd 都覺得我條件幾好，但我其實有個秘密淨係話過比 d 超 close ge fd 知---- 其實我 21 歲都未拍過拖 ga~~~!!!

平時出街都有人搭訕，係學校 d 男仔都對我幾好，都試過知道有人鍾意我，但果 d 唔知點解追追下又唔追.. 總之從未去過一個 stage 係個男仔親自表白咁啦.. 雖然我以前一直係讀女校，但無理由大學都無 gua? 阿媽成日叫我快 d 搵件，如果唔係浪費青春 ...

因為怕 d 人覺得我冇拍拖係性格問題，我好幾次都呃過人話拍過... 但近排有個 fd 同我講其實男仔如果知道你未拍過拖，唔會覺得係冇人 hou or 性格有問題，而係會更開心 tim。佢咁講完我又覺得冇理由自己將 lee 件好事講成相反 ga? 就開始唸應唔應該第日 d 男仔問我時話比佢地知我未拍過?

係咪真係鍾意 ga? 總係驚 d 人覺得我好無經驗 / 冇人鍾意 gum...

回答 (9)

hob_lam

2006-10-31 2:06 am

✔ 最佳答案

雖然話唔拍拖可能會浪費青春,但我覺得若你只係為拍拖而拍拖,就更加浪費自已！

若果將來有個男仔因為知道你冇拍拖經驗而退縮,咁你就請佢快d走,因為佢要揾既唔係你,係張小嫻,最多好心既介紹幾本愛情小說給佢.

有冇拍拖經驗,真係咁重要麽?若你真係很在意他人對你既目光,亦在意他人話你性格有問題,那就大可不必擔心了,因為我認為,即使你而家有拖拍,唔再被人話冇經驗,其他人亦會不斷指出你拍拖時,佢地認為你做得唔好既地方.

我認為,你不如先問問自己,有甚麽原因,阻礙左拍施既機會?
因為佢唔係你意中人(對佢冇好感)?
或者係自己有更重要既事未完成(如讀書)?
都可能係大家都相遇了,但未能互相調配(好似大家相約左出去,但取消左,而又冇再重約...)
亦有機會係其中一方性格太被動,令人生畏...
原因可以仲有好多,但最重要係你要確實揾出因由,若因未遇到佢,就唔好勉強自己隨意揀個.
若因要專心讀書,就先完成學業,穩固生活既基礎.若因性格問題,就試下改變...

先找出原因,再考慮點做.
他人對你所提出既意見,相信佢地都係為你著想,但要明白,佢地既意見未必適合你,亦未必同你想要既一樣.

拍拖唔係工作,經驗只是次要,
若冇經驗,至少都証明你唔係水性陽花既人,
你將來會唔會揾個有無數拍拖經驗既男仔,做你男朋友呢?

👍 0 👎 0

Charles De Galle

2006-11-01 12:38 am

真係好慘！

👍 0 👎 0

Skywalker

2006-10-31 12:45 am

我覺得唔係唔正常，拍拖呢d野係順其自然的，更有d人話係緣份，
不過我個人認為順其自然比較好，遇到一個你又鍾意佢，佢又鍾意你既人係好事。
我e家13歲未拍拖都比人話我︰「咁遲咖~」又有d人會覺得我跟唔到大隊。
其實我覺得我呢個時候拍拖太早了，你21歲可以拍拖咖啦=] 我覺得你o係大學會搵到你鍾意既人，事實既就係事實，冇拍拖唔代表你唔正常，因為初戀好重要( 我覺得-_- )，既然你地friend覺得你條件幾好，咁冇拍拖都唔代表你性格唔好=]。
如果第日有男仔( 假設佢追緊你 ) ，問你之前or e家有冇拍拖既話，你講事實比佢知，咁佢應該會繼續追你。( 我覺得 )

參考: 我覺得，希望幫到你

👍 0 👎 0

edwin

2006-10-31 12:44 am

好似唔正常 ...... But I feel Ok .

👍 0 👎 0