避孕丸能否消滅暗瘡??

如果你係因為荷爾蒙問題而生暗瘡, 避孕丸係可以幫到你既, 但係食避孕丸係有副作用既, 例如將來你會比較難有bb, 而且生cancer既機會都會比較高
而如果你唔係荷爾蒙問題, 咁食避孕丸係無用既, 我有朋友因為暗瘡問題睇醫生, 醫生就話, 如果你係春青期, 佢會開一d洗面既野俾你, 主要係殺暗瘡菌, 過一排睇下你既情況, 如果都係唔得, 就會開抗生素俾你, 再唔得, 先至會轉介到皮膚科醫生度

要睇你係邊一種暗瘡喇,如果你只係間唔中一兩粒多油熱氣暗瘡咁避孕丸就唔係好關事喇.....
但如果你係賀爾蒙失調0個一種,咁好多醫生都會開賀爾蒙藥俾你喇(尤其唔係皮膚專科0既醫生),其實佢唔係可以「消滅」佢地,而係用賀爾蒙藥黎令你0既身體有一段時間係「賀爾蒙分泌正常」。
但係,避孕丸係唔可以一年365日都食0既,以女性排卵0既週期黎計,每28日你就要放返佢7日,俾佢有月經。咁所以,0係呢幾個冇藥食0既日子,暗瘡同樣會返黎,所以我話佢唔係消滅而係抑制。

如果真係有暗瘡,想醫好佢,不如睇中醫,雖然藥比較苦,但可以長期消滅佢。

不過都唔係個個中醫都好,因為有0的中醫一路俾0的好涼0既藥你,咁你就愈食身體愈差,而且對身體長遠都唔好,你可以問多0的人0既意見先去睇。

會好d既,但係仍然會生
避孕丸的確會令荷爾蒙穩定ｄ，來ｍ都好好多，暗瘡成因之一係荷爾蒙失衡
不過荷爾蒙唔係生間瘡既唯一原因,本身皮膚差都係會生，夜睡都會生，有壓力都會生，腸胃唔好都會生，如果你都唔係因為唔夠女性荷爾蒙而生，食都冇用
食左，可能本身成面都係...變到一個月幾粒...
要視乎你本身d瘡係點形成....如果係青春期,多暗瘡唔奇，如果你過左２０歲食就ｏｋ既
有一隻叫"達英"既話專治暗瘡,要醫生開...唔知得唔得
而普通果d pills, 最大既作用仍然係避孕,唔係控制暗瘡

首先, 你要明白, 你出暗瘡係咩原因, 如果係因為賀爾蒙不平衡, 咁避孕藥的而且確可以幫到你(但男仔冇效), 不過, 食避孕藥有好多禁忌, 最好都係睇醫生, 睇下醫生建議你用咩方法先

同埋呢, 並唔能消滅, 只可以幫助減少.....

梗係否啦....
千其唔好亂食添呀!!!

佢明昆你。

避孕丸能否消滅暗瘡?? 否