煲粥(落米和水份量怎樣計)

用珍珠米煲粥好好味，像吃軟糖．（普通米都可以）
首先洗米約兩次，水多，米要少（視乎煮幾多人粥）
水和米煮滾後，轉中至小火（視乎你的火力，我用最少火力ｇｅ）
由得佢慢慢滾，（唔好離開，睇火，你始終初初煲嘛），煲約十五至二十分鐘左右，
水少記得加水，記緊睇火，一定唔會煲燶，（試多幾次就知要多少米和水了，講經驗）
之後用蓋，蓋好，由得佢慢慢焗住．

記住燶左的粥唔好要，食左唔健康，對你和家人都冇益．
我會掉左佢，再比心機煲過，睇火．

煲一煲靚白粥一定要明火，用新米（大肚米）或者上海米、台灣米等。做店鋪的最好用煤波炭來煲，現在人們普遍採用石油氣爐，在煲粥的整個過程中，要恆火，火的大小面積與煲底面積相近，這樣煲內的米粒受到谷花 而不易下沉黐底，否則，因米粒的沉澱黐底而容易煲，要不時用物件（如大鏟、破開花的大竹竿等）去攪撈，但在攪撈時亦要講技巧，一定要向同一方向去攪撈，如手攪撈是順時針方向的，往下便要順時針的攪下去，要不然就會變成水還水，渣還渣的稀粥了。

一般店鋪為了節省，都會出品一些飯仔粥、漿粉粥之類的快粥來供應與客人，所謂飯仔粥顧名思意是將煲粥的米，事先把它浸透然後煮成稀飯，待用時加上沸水再煲便成，有些為使人入口有黏滑之感，便用漿粉來開水再加入稀飯來煲，而有些為求香滑的口感，用腐竹先去了表面豆油（先用梳打溶於沸水，再浸入腐竹，這時的熱水變成黃黃綠綠色的，再用清水漂洗乾淨。），然後煮成豆漿般的滾熱湯水，放入與事先煮好的滾熱稀飯一齊去煲。

一碗靚粥是如何去分辨呢？當一碗粥送上客人面前，若時間稍為耐了，而那碗粥這時與碗的內側連著呈掛邊狀的，那便是一碗明火煲的靚粥，若兩者之間呈水環隔著的是甪稀飯加沸水煲的飯仔粥，而粥的表面呈現裂痕，那便是粥底加漿粉煲出來的，倘若整碗粥的米渣下沉而沒有膠狀，稀溜溜的，那是一個沒有經驗的人所煲的（左攪右攪搞出來的），又或者是添放了一些生水再煲成的粥，老人家說這種粥不要喝，因它給攪了風，喝了容易肚痛云。
\\\\\\\\\\\\\\\\\\\\\\\\\


要幾多米?用幾多水?
答: 份量為1杯米用4杯水 ( 如喜歡稀d可加多半至1杯水, 因煲時或會滾"寫", 及收火後焗一焗佢又會少咗d水; 在煲的過程如太杰可酙量加滾水攪拌一下 )

p.s. 煲有料粥或白粥也好, 最好放兩片陳皮可行氣而且粥香d; 尢其是白粥, 若常吃, 舌頭會有"寡寡地" 的感覺, 這是中醫所謂的寒涼. 陳皮先洗淨浸軟後刮掉囊, 陳皮水可保留待水滾與米, 陳皮一起落.

====================================
「煲粥掉隻湯匙落去係會黐底」呢個都可以係真既。佢既原理就係話粥一路煲，ｄ水一路流動，帶動隻湯匙，搞起個底ｄ米，就可以冇咁黐底。
凍水定熱水都ｏｋ，不過涷水會好ｄ。
另外有以下一ｄ方法防黐底：

煲滾水先落米同煲到咁上下就搞下佢
不過你可以試下洗完米之後浸下d米,咁米就會容易煲開。當然都係要水滾時下米,同唔好走開住,見佢沈就攪下佢,唔沈先走開。
你可以試o下浸完D米隔走D水之後，落少少油（一嘜米大約1茶匙）撈ｏ下佢先煲，水滾先落米，大火滾起時就不停攪，再收細火繼續煲。（撈過油ｏ既米煲ｏ既粥冇咁易黐底，同埋D粥都會棉ｄ）
其實煲粥時保持滾得起,基本上都不會黐底的,在煲的期間不要把蓋子蓋緊,要留些空間,最好不蓋蓋子,中火煲,讓粥猛滾,那樣煲出黎的粥更靚.
洸米放好水開火煲,煲到差不滾就要開始攪一攪佢,攪多幾次,等佢唔好黐底呀
http://women.hongkon g.com/zh_tw/forum/fo rum.php?action=view& amp;nid=58082&di sp=kitchen