砌機點先至唔會比人昆?

砌機...第一樣野係唔好拎起人地d單張...
通常d單張係知清倉底貨~又或者係食水最深ge~~
第二樣野係自己清楚個市價...
http://www.hkgolden.com/hardware_price/cpu.asp
http://www.jumbo-computer.com/
lee兩個網都有價錢提供...買機果日睇~
預出到高登每樣硬件相差$0-$20 la...
通常人地樣兩樣突然食多$50~見冇異樣就當你水魚ga la~~
仲有...買果陣問清楚有冇lee個廠ge貨響度...
睇清楚張單同你本身揀ge貨係唔係一樣~~
(特別係廠名...雜牌同名廠個價錢可以差好遠~~)
比錢最好剩係落少少訂...你一日未比sai錢~~佢都唔敢亂黎~~
如果你買散件~~記得要問佢有盒先好要...個盒要未開過...
最好上廠個網睇清楚件貨個樣~~logo個樣~~
睇清楚件貨個樣係唔係你見過果個...睇埋logo~~
(佢砌就叫佢拆開機箱睇~~散件就睇盒面~~)
保養證要件件貨都有...數arm數...張張都要有佢鋪頭印仔~~
對齊sai d野先好走人~~

2006-10-29 22:26:32 補充：
最後要講ge係...如果你自己唔識得揀料...都係問人點揀la...睇人地點樣揀同咩廠~點令部機平衡d...慢慢就會學識ga la...

首先, 你咪一口咬定係人地昆你.

我問你, 你上次砌完部機, 之後發覺有問題, 你是否知道問題在那裡? 係唔夾零件? set錯config? 係software唔夾? 你部機俾人hack左? 還是你裝左d唔知係邊度download番黎既野整瓜左部機?

電腦零件日新月異, 舉個極端的例子, 你買左張最新一代既VGA card, 但買錯左上一代既底板, 咁已經可能出事. 如果你連事後都唔知有無俾人昆, 咁即係你唔知部腦出左乜野事. 我建議你不如托部腦出去俾師傅check 下. 你部腦只係用左8個月咁大把, d config應該仲好新, check完最後可能唔駛成部機換, 用幾百蚊執番少少野就掂.

最後, 如果你咁驚俾人昆, 一係你就發奮圖強, 去圖書館煲下電腦雜誌, 充實下自己既知識. 一係, 你下次不如搵個識電腦既朋友陪你去吧啦!

(講笑咁講: 如果你真係買左新機, 又唔想要部舊機, 可以考慮俾左我, 等我睇下可唔可以變番部正常機俾自己用, 好過掉左佢咁唔環保! hehehehhee)