母親過世後磁相上祖先神位的問題

先人上高(上祖)傳統應於先人[百日]才舉行儀式的.但現香港所行{新例}在先人[上山/英雄]後己可舉行.做法有多種,因{各處鄉村各處例}繁複得很,就算我地[正一師=喃嘸師父]都唔敢話所有例數都識得晒!所以出現很多門派不同的{喃嘸先生}如:有[本地喃嘸=廣州],[客家],[潮州],[鶴佬],[新界圍頭]圍頭又分[東莞],[寶安]兩派.又有專做{水例}之[喃嘸師父]{水例}又分{本地=廣州}及{圍頭}香港仔,青山灣,各離島,圍頭....等等各處水例亦不盡相同.還加上原本唔係做[喃嘸]嘅各門各派之大師用佢本門之儀式加諸而同你地{先人}而做...咁你話嗰啲{儀式例數(在香港)}係唔係五花八門呢!!?...照睇閣下之問題可能(A)己有請定師父回家主持?(B)或磁相由{師父}開咗光交給你帶回?如(A)你最好請教佢.(B)[百日]前後揀選一[好日子]備:燒肉,熟雞,紅包煎堆大發,齋,生果,....茶酒飯,[百日紅利是],磁相裱上金花神紅,拜全屋所有神;由男丁奉相埋祖先位右邊.(此乃大路做法,請你參考上述情況,慢慢研究)

2006-10-31 23:11:18 補充：
在此順便說說左右問題...中國人傳統分男左女右;好多人就比這題目混淆;如上所述{由男丁奉(女)相埋祖先位右邊}...嗰位男丁會問:咁,放相在[我]之左手邊定係放於[我]之右手邊呢?邊面先至係祖先位之右邊?其實男丁與祖先位是面對面的,所以男丁的左右與祖先位之左右邊係相反的.所以該男丁應將{磁相}放於祖先位右傍邊,即對住男丁之左手邊.

呢ｄ野要南摩佬做故喎．舊年幫我爸爸做，就係上完山連隨返屋企擺佢上祖先位，然後就去食英雄宴．而家乜都一次過攪晒咖喇．你問吓南摩佬啦．