泠氣機有異味點算?

冷氣機有異味通常都係發霉味(發 mo)。因為冷氣開著的時候機內凍COIL會將空氣入面的水份凝結，時常濕氣重所以容易發霉。冷氣機是不會經由機身將空氣抽入；相反開啟通風制會將空氣抽出，空氣會由門窗空隙滲入。

至於你用3M 濾網無用係因為霉味由機內發出，根本無經濾網。要預防第一就要注意去水，唔好比機身或底盤積水。第二就係用完唔好即刻熄機，將冷氣機較到淨風唔凍吹十五分鐘，等凝結咗嘅濕氣/水珠吹乾。

至於依家已經有嘅霉味就最好係洗冷氣(抬走洗嗰隻)，因為可以用高壓水槍將d霉菌洗走。另外亦可以試吓用冷氣清潔劑，1:49漂白水噴入機身亦可以有除霉菌、防霉功效。

如果你已經經常洗隔塵網的話，你或者可以去家品店買一支洗冷氣用的噴霧劑試試效果。
如果還是沒有改善的話，你應該將冷氣機的生風活門撥到OPEN的位置，好讓冷氣機開動的時候可以抽走室內的空氣，增加鮮風的供應，應該可以解決問題的。