有關sunday繳費

當然可以咁做, Sunday無限制你分幾多次交同一張單, 你甚至可以一蚊一蚊咁交添! 但你留意返, 繳費靈要三日至過數, 計好到期日子記得去交.

其實恕我直言, 既然你咁問得同打算咁交, 你不如打去Sunday熱線同職員講聲, 只要唔太離譜, 一般公司都比你遲兩三個星期交費o架! 咁咪唔怕個電話比人cut囉! 而且cut你電話線係電腦自動, 你唔好以為交少少個台就唔會cut, 因為一般網絡商o的電腦計個戶口, 只有十蚊相差. 即係個客可能幾百蚊交剩二蚊個台都自動cut左…

你唔洗擔心, 電話繳費靈交錢無月結單, 乜你唔記得登記繳費靈係無登記地址咩? 所以無可能寄收據過o黎!!! 但我唔保証你遲交錢, 網絡商寄月結單o黎俾你老豆知道爆分鐘…


***希望幫到你忙就好!!! 個人建議你如果之後經常用好多分鐘, 快o的打去熱線轉plan啦! 如果你不定期會用多分鐘, 買定張儲值卡備用, 一差唔多會爆分鐘就將原來號碼飛過去, 應該平過你比爆分鐘o的錢!

可以...佢最後都係計你個結餘淨番幾多, 如果無錢交, 通常都掉住小小落去等佢唔好停你台, 我好多fd都係咁樣...hee

2006-11-04 12:08:25 補充：
繳費靈唔會寄收據黎架, 你用繳費靈交完錢你淨係記底個交易編號, 唔會有任何野寄黎除非有電話費單寄黎, 就會show到個結餘出黎