我想問中4既中史應該點讀,,,,

老實講，讀中史記野背野好重要，因為有料係答到問題既先決條件。
而我一直用既方法都比較有效，可以係度分享下。

通常Ｄ筆記都係一大堆字，根本好難比心機溫，夾硬溫都有機會唔記得，
所以我一定會用「表格」，尤其對記Ｄ統治措施特別有用。
用Words開表格，「欄」開４個，分「方面」、「名稱」、「內容」、「目的」。
列就任開，睇番有幾多措施。

出來就好似咁：

方面　名稱　　　　　　　　內容　　　　　　　　　　　　目的　　　　
　　
政　　統一貨幣　　　統一六國貨幣為「秦半兩」，　　方便市場貿易
治　　　　　　　　　以黃金為上幣，銅為下幣。
方
面　　統一度量衡　　ｘｘｘｘｘｘｘｘ　　　　　　　ｘｘｘｘｘｘ


一直係咁分，就會好有條理，係你個腦度會浮視出成個表，而唔係一堆字。

另外，只係咁唔夠，一定要識揀重點，唔可以完整打晒落去。

例如一個措施：

國營專賣：漢武帝將鹽、鐵、酒收歸政府專賣，禁止私營。
具體的做法是在全國各地設鹽官、鐵官、榷酤官，管理生產與銷售
，由國家提供生產工具，但生產者必須自負盈虧，產品則全交國家統一銷售。

可以抽重點，同埋飛左ｄ無關痛癢或者太深入既野，可以簡化成：

國營專賣：漢武帝將鹽、鐵、酒收歸國營，禁止私營。
在各地設鹽官、鐵官、榷酤官管理，產品由國家專賣。

結果佢問呢條我一樣拎足分。



至於其他野，例如對後世既影響，就一樣用我既方法抽重點，咁就易讀好多。

「經過」就當係個故事咁，順埋成章，最緊要記地方同人名。


希望我既方法對你有幫助。

要記得 深刻1定要 買練習做
例如 讀完 果課 之後 就 做練習 通常你1定 唔記得or 唔識個答案( 最好做長問答)
做完之後再 睇返書搵答案 之後 再 睇多次書 消化 ( 咁樣做會令你 更加深刻)
最死讀既方法就係 背晒所有課文-.-
仲有 某D xxx的原因呀果d 1定係死背架!

首先要知道果課佢想講乜
每次教完返到屋企都溫一溫佢
邊寫邊背
牢固返個記憶
只要肯落d功夫就冇問題