重要!!! 迪士尼的行程

如果你係平時去, 唔係旅遊旺季(eg 暑假), 理論上人流唔會太多, 所以我係無乜點用fastpass既.
以下係我既建議行程, 並不包括特別時節(例如halloween/christmas既特別項目), 但係d表演時間唔係日日一樣, 可能有變, 入場一定要攞時間表睇睇.

早上10:00/10:30 一入到去, 一直行去 幻想世界(即係城堡後面), 第一樣玩 小熊維尼winnie the pooh 先(理論上一早唔會好多人), 之後行過對面睇米奇幻想曲 3D show. 睇完出黎轉左行去 探險世界 玩 森林河流之旅(記住入閘揀語言, 都係果句, 朝早唔會等好耐). 之後睇番時間, 要去睇 獅子王慶典 (歌舞劇)第一場(通常12點, 頭場唔會有好多人, 放心). 睇完獅子王都12點幾1點啦, 係時候食飯.

lunch我個人preference: 快餐 - 幻想世界 皇室宴會廳 要食咖哩,中式蒸飯,點心,壽司拉麵都有. 如果諗住去餐廳既話, 美國小鎮大街 (即係入門口之後果條直路, 兩邊好多鋪頭果道) 既 大街餐廳 會係比較好既選擇, 不過就要一早入場行過既時候去訂位先. (間餐廳響大街街尾望住城堡既右邊, 唔係左邊果間!!! 左邊果間係美心既酒樓!!!)

當你食快餐, 食完飯都要成1點半, 跟住去 幻想世界 睇另一個音樂劇- 米奇金獎音樂劇(通常2點有一場), 睇完之後行過去 明日世界, 經過順便睇下 幸會史迪仔 幾點有廣東話場(一定要廣東話, 因為史迪仔有可能揀中你同你傾計), 去到明日世界當然要玩 飛越太空山, 仲有巴斯光年 同 馳車天地. 不過要記住: 下午3點半要睇花車巡遊. 要自己就時間喇. 唔好遲呀, 要霸個靚位. 咁當然啦, 幸會史迪仔 果道都要自己就時間去. 如果佢話 4:30 - 5:30有廣東話場, 你4:00左右點都要去望下, 排定隊, 費事無位啦.

玩完明日世界, 再睇睇時間, 如果有時間, 可以去玩埋其他未玩既野. 記住, 睇煙花, 要早20-30分鐘出城堡前面搵定個靚位.

P.S. 買精品一定係下晝,黃昏,甚至睇完煙花先買, 無理由一早買左d野要攞足一日ma. 基本上大部份精品都會響美國小鎮大街既鋪頭有得賣 (只有小部份會係得某一間鋪專賣), 而且小鎮大街既鋪頭煙花之後仲會繼續開, 所以唔怕買唔到野.

2006-11-01 02:42:51 補充：
上面既朋友仔有少少資料出錯:1. 睡公主城堡我地係入唔到去, 所以有無張床都唔係好關我地事.2. 米奇幻想曲已經取消左fastpass服務. 而獅子王慶典既fastpass亦只會響好好好好好多人既日子先會有得派.3. 花車巡遊係由明日世界飛越太空山旁開始, 一直沿巡遊路線, 經睡公主城堡, 到達美國小鎮大街完結.4. 香港迪士尼既煙花(星夢奇緣)既表演長度係約12分鐘.5. 香港迪士尼既煙花同關門時間因日子而唔同. 唔一定係7點. 美國小鎮大街既鋪頭通常會比樂園關門時間遲30-60分鐘關門. 而美國小鎮大街既餐廳last order通常係樂園關門既時間.

2006-11-14 21:57:27 補充：
資料詳盡但不準確, 如煙花表演時間為12分鐘, 而煙花時間亦因應樂園關閉時間及日落時間而異.
建議亦不合用, 在香港迪士尼樂園需要使用fastpass來縮短排隊時間的只會是人多的旺季, 如果真的是旺季前往樂園, 就算有fastpass都無可能好似個plan咁講玩到咁多樣野, 如果係淡季, 就跟本唔需要fastpass都應該可以玩得晒.

這個是我和家人去迪士尼的經驗

http://www.wretch.cc/blog/MARYHO243548&article_id=7104499