✔ 最佳答案
你現在最需要做債務重組,
A .首先當然係停止「倒水」!
1.最好把所有卡收埋,一張都唔好帶在身(每日把預計要用既錢放於銀包中,防止使多)
2.開本簿仔,晚上將d開支詳細未寫低(如用多左,你可以防止再犯;用得其所,會對自己有所鼓勵)
B.減負責:
按你所講,係亂花錢,亂買野所致。如你既物件,可二手放出去買錢,可方便減債。
C.債務重組:
1.計算自己每月的還款能力(當然要合理,扣除生活費,要加dd零用錢,因你既還款應該會好長,太辛苦你會好容易再放棄)
2.找銀行幫你手,看可以用邊種plan可以平d息(去多幾間問)。按你既情況,銀行一定唔會借到咁多比你,餘數要去財務公司問(一定要去多幾間,因息口差異會好大)
*財務公司係到你既情況,一定要擔保人,如果你弟弟肯,借多D既機會大好多。(當然,你要真係還,如果唔係,你會害左弟弟架)
D.生活重組:
據你所講,你生活可能無咩方向,所以先至無節制,無計劃。如果你用番以前既生活模式,同人行街,見到朋友消費,自己便會心癢,好容易不經意走回頭路。因此,要改變下,放工回家,假日行下山(總之搵D唔使點用錢既活動)如果可以,試下番下教會,轉變生活模式,精神有寄託,可以識唔同圈子既人,咁先至長期既方法。
你唔好放棄呀!我曾經幫個2個同你情況差不多既朋友,用以上方法,辛苦幾年,宜家已經鬆綁啦!