裝修拖期,手工極差.收費極貴,好想有裝修師傅上黎見識吓

老實說，錯不在他。因為他按報價合約辦事，為何簽約不嫌貴，現在才埋怨? 因為所謂靚料，你同佢既標準都唔同，你應定明是甚麼料，放在報價合約上。第二，就是你應該和他說明完工日期放在合約上，否則你不能怪他未能交貨。

你可以唱佢唔好，等佢唔好再令人中招，但係你叫佢走就係毀約。你要知一份咁大既金額既報價係有法律效力，你簽得唔小心唔可以怪人，你毀約佢可以從小額裁判署追討尾數再加損失。

建議你日煩夜煩，煩到佢做到好，做快D，或最好就係嘈到佢頂唔順自己走(機會好小，同埋你有排煩)。

最後奉勸各位，合約唔好亂簽，因為沒有"行規"，只有"白紙黑字"。講到尾都係涉及金錢，你買架車都會要知engine 幾大，條呔幾粗啦，都係謹慎D好。

2006-10-31 10:27:44 補充：
想補充一句.. 這是利益歸你的。我諗合約上無列明何時付款.. 在理據上，他應改完成最少 74000/90000 x 100% 的進度才可以進一步收錢。如還沒有，你在這刻可以拒絕比錢。比你參考一下... 我有個朋友投資20萬開琴行做裝修，個判頭就係咁收錢法: 先比50%。5% 完成再收20%，20%完成再收15%，30%完成就想收晒。個friend 唔比，個判頭見收左成85%但係做得30%野有賺，就走左佬... 個friend 琴行都開唔成..

如果好似你講到咁我覺得個師傅跟本想爛尾, 因為聽你所講佢跟本無做過d咩, 我建議你最好問吓你個朋友有無個師傅d料如B.R., 同時你最好問佢比番張正式收據, 我古你應該無, 如果吳係佢吳會咁, 千其吳好比錢佢, 一般來講裝飾係分幾期比錢, 通常係4-3-3咁比, 一般中期係要完成一半先比, 佢依家巳經問你囉尾期點都吳通, 如果佢再問你囉錢你就同佢講你去搵公證行, 話佢知一半工程都未做好你吳會比個尾期, 仲要佢比個DEADLINE你, 要白紙黑字果隻, 再遲要罰錢, 如果佢吳制你就叫佢停工, 影底地盤D照片同去消米會, 費事比佢秋後算帳.

2006-11-01 22:15:08 補充：
其實係咁做真係好笨, 因為你就算而家叫佢走, 你有損失佢又有, 何必呢!!最好既方法就係等多5日, 總之錢就吳比, 不過如果你真係番吳到頭, 我建議你最好避定案 費事有手尾跟

既然係朋友介紹的,可否請那位朋友傱中協調一下呢?
做裝修的有點像中醫,好的可以起死回生,不然就小病成大病,仲大把手尾跟.不知怎說好,因為自己都是做裝修的.
全屋裝修來說9萬多不能算貴,視乎你的要求,等於你去買個手袋,百幾有一個,名貴的要十萬八萬都得,大門幾百蚊有一隻,幾萬蚊一隻都有.
幾位回答者說法都對,先格價(不是看誰平,是看誰合理),報價單/合約上要清楚分項列明細節,包括施工項目,施工圖,材料,樣板,單價,總數,完工日期,付款方式.......我一貫的方式是同意報價先付50%,全部完工後再付40%,一個月後無問題付清10%.雙方都有保障,但不是十全十美,也有完工後要問很多次的.
現在你唯有請你那位朋友幫口,要那個師兄埋尾.都無效就斬釘截鐵計數,佢唔會唔走.

同意chuns.rm的看法, 格價過3間, 我都要Check 4-5 間的裝修師傅, 重要同事用緊, 例明要做甚麼, 完工日期, 過期每日計扣1千蚊, 並包日後跟進, 我同事的裝修跟進2年, 現在我將於11月頭開始裝修, 他報價冇雕花欅木大門連門框工包料都是$2300, 雕花大門都只是$3500....

祝你好運!

咁又真係幾貴,大門換門框連較門安鎖約需兩工人即1500元,房門約800元
不過你而家叫第二個執手尾,起碼要多數萬元,要考慮清楚才作決定

我自己剛裝完修半年左右,我找的這個師父幾好,手工唔錯,水電樣樣都O.K.個人都幾易話為,有D嘢加加減減都O.K.,佢就係我格過價最平的一間,你可以試吓搵佢格價. TEL: 92711133 張生
P.S.你真係唔好彩,我都未見過有咁惡的人!