✔ 最佳答案
狗狗食飽飽後幾個字內會all大架, 大約一兩次, 佢all時千其唔好騷擾到佢, 佢會八卦唔all架, 我果隻咪次次佢一all大全世界既人都要唔郁, 一郁佢就八卦走出黎, 試過幾次吊住半條走返出黎, 過多一陣又入返去all下半場, 三次唔算太勁, 我果隻一堆分三次all都試過, 盡量唔好騷擾到佢或叫佢名啦! 只要便便無血, 條狀, 無水滴都正常, 佢又係bb食軟糧d便便係軟身d, 但你亦要留意杜虫前後都會all爛屎或帶血, 大約一兩日後就正常返, 如果持續兩日或以上, 就要小心喇! 可能腸病毒! 仲有呀, 狗狗係食得多all得多架, 尤其八哥咁為食又八卦!
如果搵醫生body check, 我建議太平道寵物診所, 診金220, 但如果你想check佢有無狗瘟或腸病毒, 咁就唔好去住, 因為到現在香港都仲未有test可以證實呢兩種病或潛伏病毒, 而打完預防針亦會有假陽性反應, 你不如留意多佢兩日先去body check, 起碼你可以睇下佢有無流鼻水, 咳, all血便等, 去到獸醫度都可以問多d! 但你見佢有咩唔妥就要立即睇獸醫喇!
仲有呀, 佢無事唔好俾葡萄糖水佢飲, 我個仔飲咗兩個星期葡萄糖水就咳到痴肺, 好多痰咳唔到出黎, 有排醫, 要小心! 買罐狗奶粉浸糧佢食啦, 最好加埋鮮肉或狗罐頭, 狗狗食肉抵抗力好好多, 唔食肉淨食糧好易病架! 我都係啱啱先知呢樣野
