安哥拉貓=雲南山貓?

安哥拉貓同雲南白貓雖然外形幾相似, 但佢地係兩個完全唔同既貓種, 一隻賣幾萬, 一隻賣一千, 不過太多奸商把大陸既長毛家貓模沖安哥拉, 破壞晒佢地既聲譽, 搞到cheap晒。因雲南白貓同北方長毛家貓都非純種, 所以無乜貓書記載。安哥拉的特徵好多貓書同網上資料都有,不如講吓叧外兩種。
記得十多二十年前香港開始流行養純種貓狗, 但當時本地只有極少breeder同寵物店, 貓狗多是外國入口, 物以罕為貴, 身價要成一萬幾千, 相等於當時人們2-4個月人工, 唔係人人買得起, 所以當時有人以漁船把一些大陸長毛家貓偷運入境, 在旺角雀仔街街頭一帶售賣, 大約賣$200-$300 一隻, 我當年都曾買過三隻, 後來有d奸商更將牠沖當安哥拉謀取暴利, 多年後, 人們好像已將大陸長毛家貓同安哥拉劃上=號。
數年前大角咀有一間寵物店老闆, 専門繁殖雲南白貓, 我想可能佢太過老實, 當我再次到訪時, 佢唔知係已經執咗定搬咗。老闆話純種雲南白貓只有純白, 橙白同橙虎紋, 其他色可能係北方長毛家貓(也有人稱佢地林清貓, 因出自山東林清縣)。
我有幸也有一隻雲南白貓, 佢比林清貓長毛同密毛, 下頷方方的像個火柴盒, 林清貓下頷較尖, 林清貓身形與本地家貓相約, 而雲南白貓身形較大, 手腳較粗壯, 而且手長腳長尾長, 我的貓重成6kg呢(比我的波斯、異短還大還重)。
兩種貓都好嘈, 好鐘意叫, 不過雲南白貓乖好多又夠嗲, 我以前養過三隻林清貓, 佢地不單嘈, 百厭, 搞破壞, 仲好鐘意咬人同失驚無神撲出黎抓人隻腳,, 仲會由你隻腳任係禁抓, 一直爬到你膊頭, 搞到我阿媽成腳捐晒, 我阿媽叫佢地做紅衛兵。

聽聞安哥拉貓已經絕左種..依家時面上賣個d根本唔係安哥拉貓, 而係中國長毛貓.