有多少人買左英國保誠的基金或基金保?

英國保誠有幾種投資基金平台, 有長期同短期之分.

我估你買左個長期基金計劃.

佢個長期基金計劃第一年収約70-80%認購費, 之後約8-12%至第八年. 即係大約頭一年供款俾晒佢; 但佢好處係第九年開始全無認購費, 終止戶口時仲有個bonus, 個bonus會隨供款年期增加, 可以多過収了你的認購費, 即好似退番晒d収費比你, 條件係你要長供廿幾三十年.

以這個収費, 如果以0%回報計算, 你戶口應有約HK$14,000.
你現在有16000, 所以已經有正回報.

其實英國保誠仲有個短期基金計劃, 每年認購費約4-5%, 冇bonus.

但你這個係長期計劃, 由於一開始扣左你大部份収費, 你最好供番廿年以上追番個収費.

買基金要先了解清楚自己需要再選合適年期計劃.
仲有, 佢唔係保本基金, 冇話一年有6%, 可高可低.

想了解多d可e-mial 比我.

2006-11-03 22:40:11 補充：
你供左幾耐呀?如果你供左少過一年, 你可考慮唔供.但我見你供左一年以上, 建議你有錢就繼續供, 冇錢就行供款假期, 即係唔供但仲keep住個戶口, 第日有錢再供番.因為你其實已經俾左十幾年的基金収費, 你供唔供落去都已經俾左錢, 過去損失左的冇得救, 但你供落去可以追番, 所以點解唔供? 唔供會仲蝕.第三年到第八年収費是10%, 之後係0%, 已經唔算好貴. 仲有bonus派.仲有, 你要錢可以係份單攞!

我有保誠的基金plan，剛供了一年，除了基本保費之外，我們都有額外投資。我自己前後共投資了二萬五，到而家已賺了幾千元。我買的是中至高風險的基金70%，30%是債券基金用來對沖下 。我諗係要睇我地買既基金表現來決定有幾多回報。

意見ok, 不過d plan feature 唔係講緊保誠d plan

好假好hard sale

你係咪買O左好似O的 2036 咁上下的基金呢？
你要當佢地係定期咁放, 早期唔會有錢落袋,
要臨尾先至會多錢呀。

已經買o左就萛啦, 下次睇清楚個年期先好買呀.
再唔係就好似我咁, 唔好買基金。

１）基金投資有機會賺蝕，不能保證回報，不過對上兩年很多基金回報是正增長．
２）弈有可能你選擇基金的種類，是預先收左長期手續費，餘額才做投資，例如：有些投資相連保單，包含人壽成份，你最初供的錢，是先比保費頭兩年，扣除的款項才做投資．

投資者應留意所選基金的收費：
１）認購時比手續費．
２）贖回是才需收費．
３）只收管理年費．

因你提供資料不足，所以不能正確回覆，你可e-mail to me ([email protected])補充詳情

The insurance that you bought is investment-link product,
which means that you have insurance coverage, however the first yr premium will not be invest.. always pay more attention when you bought either pure fund investment nor investment link product

保險黎講，好人就得。基金黎講，除左要人品外；分析、睇市的能力是必備的。因為基金是投資的一種，是為客人賺錢的嘛。事實上，保險公司主力在保險。其實買基金，我建議銀行 / IFA，因為保險公司始終主力在保險，日常工作不像 IFA / 銀行，要日日睇基金、睇市等等……當然有 d IFA / 銀行都唔識野，只是 sales 一名。

我自已都有代理保誠的野，但我都唔建議買，因為佢得 17 隻基金，最近就多左 d 但都不太睇好。因為他是代理其他基金公司的話，我識買的話，就直接同基金公司買，可以免去保險公司這一層的收費。而且，我諗你真係有所不知收費方面。因為透過保險公司買的話，頭 2 年係賺唔到乜錢的。因為保險公司的收費，是頭 1~2 年，會有 70% 係收費的，當然包埋 agent 個傭啦。所以，你唔係蝕 25%，只是輸比收費。所以我自已同客人、朋友推介，都推介會將 100% 資金放入基金的平台，不會扣什麼收費的。不是嗎？你一開始就扣左咁多，d 本金就細左，將來會滾得慢的，所以就算頭一年賺到 20%， 不算得是什麼。何況一年 20% 回報已經是買 d 非常進取的基金了。

我朋友 6 年前買左一間保險公司的基金有 6 年，因為個 agent 開完單就走人，跟單果個人幾唔得。幫佢將 7X% 的錢簡左隻基金。果隻基金，近幾個月已經被公司 cut 左 (因為表現太差)。所以我朋友蝕左唔少錢。依家我跟單都幾多野要搞。而且我已經幾個朋友都係咁，買左 d 麻麻保險公司的基金，其中有個在3個月前買左保誠的豐x退x寶，我同佢研究計過 d 基金啦，大概要 8.2 年先返一返本。用基金公司的平台買基金，當係買進取的，4 年都賺左 5 倍；咁我自已比較穩陣的，我預大概 7 年都先 double 左投資的錢。所以計過數之後，就去退保算數……寧願 hold 現金唔投資 2 年，都抵過買那些基金。

而且，另一方面，很多基金公司的基金計劃，一個計劃，都閒閒都 8x 隻~16x 隻基金。數量質量都好過保險公司好多的。或者你不如講下，你係是買左保誠的邊幾隻基金呢？我可以幫你睇睇的。

我估計你同 yummyyummy1121 這位朋友，購買前沒有問清楚收費事宜，
因為收費有很多名堂，收法亦有不同，例如：前置式(一開始收的費用較多，一般三四年或更長時間後先見到回報。)；後置式(主要收費集中取消單或計劃後期收。)

所以我估計你哋個計劃應該係前置式收法。

若有唔明盡早問返個你話“好好人”個嗰agent，了解清楚。

我都有買呀，我都供左2年，本金又係差唔多供左$24000，我早幾日問我agent，佢話有$10000，我咪仲少，不過佢話頭一年基本上無乜拎個本金去買ga，開頭手續費多呀麻，要一路滾上去，我諗我agent唔會呃我ge，佢最近叫我轉左去買另一隻亞洲基金定唔知乜呀，佢話回報高d喎。