怎樣能教到一個乖的十歲小朋友

你有無睇過無頭東宮呀?
先別擔心 孩子的行為是發自內心的 你不能去強迫他去跟其他的小朋友去玩耍及跟別人去打招呼 當孩子要開始進行幼稚園生活時 老師亦會教育小孩 讓孩子明白到這個社會需要群體生活的道理 這一個 你不必擔心的問題而會迎刃而解
其實你的孩子 只是有一個 害羞的心 或者小孩一直只對著家人 而少接觸 與其他人接觸的環境底下裡長大 從而令孩子覺得 “我不認識他 我不應去接觸他的道理” 當然這個觀念是錯的 你亦需要慢慢地 矯正這個錯誤的觀念 我認為你應先把孩子的生活圈子擴闊 例如:多去公園 因為小朋友與小朋友之間 其實可以很快熟絡的 只是你的兒子不敢去踏出第一步 去接受其他小朋友 你可以參與兒童間的遊戲活動 陪同自己的兒子去跟身邊的其他小朋友一起玩樂 但如果兒子開始時不接受 你亦不應去罵他 你應用慢慢耐心地 再示意給兒子明白 與其他小朋友玩耍是一件很開心的事 從而孩子會慢慢意識到自己不是孤獨的 可以跟其他小朋友分享 而一同玩樂 從生理心理學(biopsychology)角度出發，已有不少研究確定，生命在母體在形成一刻已在開始長成; 長成的過程中，憑著生物的「爭取生存意識」，他會以不同的感官去探索周遭的環境，如遇到「安全」或/及「開心舒服」的事物，他會重覆再去探索; 如遇到「不安全」或/及「不開心舒服」的事物，他會警覺地盡量避免去接觸。

2006-10-28 12:16:43 補充：
基本上，我同你遇著同一個問題。我個學生三年級，我由佢小一下學期開始教佢，佢小一上學期已經可以激走四位補習老師，我係第五位，可想而知我忍耐力都唔差，但一星期補足五日，我每次補完習都會虛脫同崩潰！其實最好方法係你唔好再同佢補，你補少佢一個，仲有大把真正有需要的小朋友需要你。你如果唔係賺得佢多，又要受氣，不如唔好撈！賺來都唔夠買補品啦！而且，小朋友的行為，除左天生性格外，仲係反影佢父母點教佢，如果佢父母都懶得教佢，個小朋友唔聽你話都幾正常。

2006-10-28 12:17:49 補充：
但如果你覺得個小朋友仲有得救的話，我都可以給少少建議你：首先，你要同佢父母溝通，問佢地個小朋友平時在家或在學校的行為，亦要留意平時佢父母點教個小朋友。你可試下硬的方法：1. 當佢又頑皮時，你可先友善勸告佢一至兩次，如果佢仲唔聽，你語氣就好嚴肅發出警告俾佢：「拿！我最後一次警告你，如果你再唔坐定定，我就要罰你！」或者，你可以話：「我而家仲可以忍到你，你趁我未發脾氣之前，你要好好做功課！」

2006-10-28 12:18:25 補充：
2 . 在適當的時候要喝罵佢！記住，係適當時候，如：你已真係忍無可忍，警告過佢之後仲係無改善，你一定要發惡拍桌子鬧佢：「你係咪當我頭先發up風呀？」，正常的小朋友一見到呢種情況，都會嚇一嚇，然後會乖一陣。3. 如果佢仍然無改善，你就要進行極輕微的體罰，如打手板。記住，你點真係逼不得已先好用，而且事前仲要同佢父母商量話如果佢個仔咁唔聽話，你可能會打佢來懲戒佢。但呢招就真係唔建議經常使用。

2006-10-28 12:19:11 補充：
軟的方法：1. 遊戲形式：你可以一去到佢屋企，就話同佢玩遊戲，遊戲玩法係鬥坐得定。你可以事前準備定一份小小禮物作為獎品，如糖果，如果佢真係做到，你先獎賞佢。如果佢輸左，就唔幫佢對功課等…2. 獎罰計劃：如果佢每次做好一樣功課，或坐定定，你可以獎佢貼紙一張，做得多同做得好，得到的貼紙就越多，儲夠一定數量（如30張)，就獎佢一份小禮物，如果做得差，就扣佢貼紙。

2006-10-28 12:19:43 補充：
其他方法：1. 如果佢真係唔做功課，你可以話：等我幫你做。睇下佢有咩反應，如果佢由得你幫佢做，你就真係幫佢做，但答案一定要寫錯。而且筆跡一定要如你本人，唔需要模仿小朋友筆跡。我試過有一次我個學生唔肯做功課，我就用呢個方法，佢以為我幫佢做就一定做岩晒，結果老師派番功課俾佢，就罰佢重做，因為老師認得字跡係大人寫，第二，係答案錯晒，個小朋友一定會話你做錯答案，累佢俾老師罰，咁你就要話：「你咁叻，你以後所有功課都自己做囉！做岩晒俾我睇囉！」用激脹法逼佢自己做功課。

2006-10-28 12:20:07 補充：
2. 話佢知，如果佢再唔乖，你就要打電話佢學校搵班主任投訴。不過呢招　唔可以用多，因為佢最終都會知你根本唔會打電話去班主任投降。3. 你帶一部DV或可拍短片的DC去補習，當佢唔乖時，你可以拎部機出來　拍低佢一舉一動，話要寄去電視台新聞，俾全香港人知道有個小朋友唔　聽話，或者你可以話，我寄去俾你學校校長，等校長睇下你d行為。　若你真係要拎出來拍時，小朋友多數會搶你部機，但你千萬唔好俾佢到，　如果佢要搶，你一邊拍一邊就話：「如果你乖，你驚咩俾學校／全世界　知道？」或者話：「校長知道你唔肯做功課，仲要搶人野，一定趕你出　校！」

2006-10-28 12:20:16 補充：
4. 當佢好好好極度頑皮時，你扮喊，話你唔想再教佢，因為教佢好辛苦，　即係同佢講真心話。通常小朋友見到呢種情況，佢地都係幾驚，因為　小朋友好少親眼見到大人喊，你要俾佢知道佢令到你傷心，用眼淚感　動佢。以上只係建議，認唔認同或有冇用就視乎各位補習老師同學生。始終，你來得求方法，都可以睇得出你想教好小朋友，已經係一位好老師。但你唔係神、唔係聖人，你只係一位普通人，你前世唔係欠佢，你係不能教好佢，而非不為，如果你真係冇能力再繼續，你只好放棄佢啦！不用自責！因為你，包括我，真係已盡力盡心。:)

如果你是佢的家長,適當的時候要罰佢啦,做得好有獎,做錯就罰,例如不准睇電視,罰企,減少佢已有的權利,當他做得好的時候就加少少比佢,
如果佢是你補習的學生,最好能叫家長幫手教,但如果佢唔合作的,你搵個份啦.