護士的日常工作

一返工就聽上一更同事交更啦,之後就做病房日常要做既工作,開餐,派藥,執床,跟醫生巡房,之後睇醫生開咩 treatment,除此之外,仲隨時隨地要收人,[急症室上 case],或一早預約返病房 follow up case,又要量血壓,如果有病人係落鹽水又要定時睇下落得好唔好或者落晒未,又有病人要洗傷口,或者要留樣本化驗,又時又有病人要去其他地方做檢查,照X光,若加上病人有唔妥又要去理下佢,如果又有人唔掂就要救人.....有時又要同家人講解...又有病房其他唔係病人既文書上既野要理,又要定期 check 下病房入面要用物品夠唔夠....又要寫牌板..又要 oreder 藥....總之就做到人到癲啦.

2006-10-28 19:41:05 補充：
order 藥

除左上面果堆,仲有有D病房人手唔夠,護士要幫手換片,倒尿,幫病人沖涼,轉身,有時D病人重到死,都真係幾惡做,又要監察病房入面既儀器,D數字有問題就要睇睇佢係部機有問題定個病人真係有問題,仲有有時醫生會響病房入面開檔做一D小手術,例如抽骨髓,或者係縫針等。又要收集化驗樣本,包括大小便,血,濃,痰等等,又要處理好多無聊人既無謂投訴,又要監察病房職工既工作,有時又要帶D CASE去唔同部門做檢查或者甚至轉院。病人叫你做乜你都要做(合理的),有時老細又會叫你做其他野,例如壁報板,真係做到人都癲埋,人工又越黎越少......其實護士工都唔係人做既,真係"前世做錯事,今世做護士"!!!

2006-11-04 00:51:05 補充：
仲有要打好多好多既針,凈係開針藥都用左好多時間了!一更又要打幾十支針....