何為"恆生卡"?

如果佢係申請提款果一種恆生卡
正常應該只會問返你拎個人資料同戶口資料
到你交果時佢最多要你提供身份証同存摺畀佢做返紀錄
不過如果你拎果張係申請信用卡O既表格
你會發現佢印得好精美, 而且表入面要填O既資料
除左個人資料同戶口資料之外
佢仲要你提供住屋狀況, 財政狀況, 仲有每月收入等等資料
而你交表格O既時候亦都要提供埋你收入証明
你可以睇下你手上果一份表究竟係邊一類

1)
而家各大銀行推出O既提款卡
除左可以提款之外
仲可以以EPS係商舖購物
貨款就直接係戶口中扣除
另外透提款機可以繳交各類O既生活雜費
當然就仲可以存款同埋轉賬啦

2)
提款卡同信用卡係兩樣野
如果你怕申請錯左, 最好O既方法就係問一下銀行O既職員
我睇唔到你手上O既表格
我唔可以好肯定咁話你知
你手上O既係邊一種表格

3)
係呀, 不過你申請O既時候要問清楚哩一個服務會唔會因為你申請左提款卡而收費
現時有D銀行為左減輕銀行職員O既工作量
會有一種戶口...如果透過銀行職員提款O既話就會收手續費

4)
同上...申請果時最好問清楚

5)
恆生卡於全港所有ETC都可以使用
匯豐或恆生O既櫃員機都可以提款, 轉賬
不過存款就必須要去返恆生O既櫃員機先得
而繳費服務就要睇返果一架櫃員機用唔用到

圖片參考：http://www.hangseng.com/hsb/chi/per/khw/acc/image/atm_card.jpg

閣下申請的「恆生卡」，只是提款卡而已，並不是信用卡，申請此卡後，閣下亦能如常地使用存摺（紅簿仔）往分行櫃位辦理各類銀行服務（包括提存服務），但使用「恆生卡」於分行櫃位辦理轉帳或現金提款則需繳付每項HK$20之手續費，而閣下可於全港超過1,000部「匯豐銀行」或「恆生銀行」之自動櫃員機使用「恆生卡」。另外，「恆生卡」亦能享用「易辦事」﹑「繳費靈」等消費繳帳服務。
查詢詳情，請致電2822 0228或親臨任何恆生銀行分行。

1) 請問此卡係咪只用於提款??
2) 請問此卡係咪信用卡(Credit Card) 的一種??(我不是想申請信用卡!)
基本上,由恒生銀行發嘅咭就係叫恒生咭,佢可以係提款卡,亦可以係信用卡。你可以去counter叫人比張提款卡嘅form你就得,至於你手上面張form,你睇下佢有冇叫你揀金卡定普通卡,同埋有冇問你攞入息證明,如果有,咁就係信用卡。

3) 請問申請此卡後，能否繼續用本人的"港幣儲蓄存款摺"(紅簿仔)往櫃位作提存服務?
咁你要去問清楚。有一隻叫atm儲蓄戶口,不設最低存款額,有紅簿仔,但就唔可以去櫃位攞錢,普通嘅儲蓄戶口就可以,不過就最少要$5,000。睇下你係要開個戶口,定只係幫個戶口攞張提款卡,兩樣唔同。

4) 請問申請此卡後，使用此卡往櫃位作提存服務是否要收取手續費?
同上,如果係atm儲蓄戶口就要收錢,普通戶口唔駛。

5) 請問申請此卡後，能在哪些櫃員機使用?
恒生嘅提款卡適用於所有恒生、滙豐嘅櫃員機

(1) 及 (2) 你必須向銀行職員查詢, 不過我個人覺得是提款咭。
假設是提款咭.....
(3) 可以
(4) 不可以憑此咭到櫃位提款, 只可以在櫃員機提款。
(5) 任何恆生、匯豐銀行的提款機

假設是信用咭.....
(3) 不可以, 因與他的儲蓄戶口無關
(4) 可以憑此咭到任何貼有「信用咭」標誌的銀行櫃位提款, 但會當作信用咭提款, 計手續費及利息。
(5) 任何貼有「信用咭」標誌的銀行櫃位提款, 但會當作信用咭提款, 計手續費及利息

2006-10-28 10:33:18 補充：
修正 : 假設是信用咭.....(3) 可以, 因信用咭與儲蓄戶口無關