但我自問做唔到, 守唔到基督教的規條。
我唔會反對人信教, 而且好欣賞教會團體在社會上的貢獻, 好似明愛, 救世軍等等。
我信人會有靈魂, 但死左會去邊呢? 其實有乜所謂o丫 ? 煮到黎咪食 lor 。
不過, 既然都係靠估, 梗係望有得上天堂la, 唔使做, 要乜有乜, 無憂無愁, 仲想點喎?
問題就係, 只係用把口講, 到左大審判果陣, 瞎埋眼都話信主, 又認罪悔改, 得唔得呢 ?
神要審咁多人, 過唔過得骨呢 ?
定係掛過名做住先, 得唔得呀 Windy ?
更新1:
當然, 大前題是我唔會觸犯法律, 兼且唔會迫害基督徒。 聽講神對人好寬鬆喎, 係咪 ?
更新2:
To: Jackwong, 睇唔明你段文字, 請補充說明, thx.
更新3:
To : 親愛的 Windy 姐姐, 我今次俾你攪到一頭煙喇。 以我的常識來看, 一個人被要求接受審判, 即是先假定被審的人可能犯了罪, 是嗎? 審判的作用, 是為了提供機會予受審人的抗辯或証明自己清白, 無辜, 對嗎? 1//.你一時又說神是無所不知, 咁......根本唔使審la, 我地做過乜野, 神都一清二楚, 佢只係判罪就得la, 係唔係? 2//. 如果仲話要審, 只有兩個情況出現, 一就可能神未必清楚晒每一個人生前的所作所為, 所以要審個明白。 二就係可能神值著審判給予我們最後機會。 咁既話, 我在本題目的假設, 未必行不通喎。
更新4:
承接上文補充 :- 3//. 我可以相信神會知道我們生前的所作所為, 但我不相信神會知道我們心中的思想。 以亞當和夏娃作例子, 神可以創造佢地既生命, 但無法控制佢地既思想, 所以佢地犯罪lor, 將此論點引申到我身上, 我會認為神應該無法知道我的思念, 所以想搏o下大霧o者。
更新5:
To: Windy, 多謝你的詳細解答, 我其實都90%以上估中答案架喇。 在我個人的理念中, 不可能相信世上有不勞而獲的免費午餐派送, 世界上所有的事和物, 你可以說成是由神主宰及安排, 但我認為人的因素始終是最重要關鍵。 我不時的向你求教, 並非我開始有興趣信基督教 ( 將來唔知, 希望會被神感召 ), 我深深的被這欄裡的風趣答問方式吸引著, 不過, 我還是最欣賞你的愛心 + 熱心 + 耐心。 謝謝你親愛的Windy 姐姐。~~^oo^~~
