想帶埋隻年老狗仔入住公屋可以嗎?

🐈 寵物台狗

和平是福

2006-10-28 8:47 am

我養左貴婦狗已經14年了,最近我參加左特快公屋,並且已經選擇左單位,於下月頭會去審核。如無意外的話,應該可以拿取到公屋,現在有個問題,請各位指點下:
由於我隻狗已經好老,曾經試過放係人地度,但係佢抑鬱到唔食野!如果我要帶埋去公屋度,可唔可以有人情講呀?佢咁老,要人道毀滅,會好慘!我都好想佢可以自然咁去.....^^: 唔該各位話俾我聽啦!

更新1:

咁會唔會我申報俾房署聽,佢連公屋都唔俾我ga?

更新2:

通常要等公屋,最快也要3年。特快公屋係俾D未夠年資ge輪候人,有機會去揀屋。o個D單位會有:舊樓,近垃圾房,死過人,追債等不快單位,但不會有區域限制。要新屋的單位就只有揀東涌同離島啦!我都要申請左一年,才抽到我揀樓咋!

回答 (5)

用戶3739

2006-10-28 5:11 pm

✔ 最佳答案

你攞左公屋先, 房署無咩人情味, 果次比人申領養狗狗只係一次性, 無後補無新加, 唔係d人嘈到遊行, 政府都唔做野啦! 你首先要了解你狗狗有無亂吠既習慣, 就算平時無, 去到新環境都可能會吠, 不過你狗狗都咁老, 應該唔會有咁多精力係咁吠, 你最好搬到新屋時, 請一兩個禮拜假陪住佢, 等佢熟習下新環境, 狗狗吠的原因可能不安, 有主人係度會好d, 如果唔係成日落街及亂吠, 偷偷地養都無人知啦, 你又唔洗咁緊張, 到時真係俾房署發現先算啦! 都係仲有幾年啫, 唔好咁易放棄呀, 如果到時俾人發現再寫信去求情, 佢唔俾的話咪搵生果日報呀, 西方日報, 愛協等公開件事囉, 只係養到佢終老啫, 到時事件發大一定會有好多愛狗之人幫你遊行既!

👍 0 👎 0