偈油是否一定要用換的方法?

break0304講得好岩, 而且車房換油換隔都係300-500有交易(視乎咩車同咩油la, 大cc要入兩桶偈油可能再貴d), 咁其實你自己去油站買偈油咪又係咁上下, 如果你係為興趣要自己換, 咁可以試下買張飛機積仔(百零二百蚊), 每次積起少少, 就可以捐入去換油, 但係如果你只係不排清舊偈油而添加新偈油進去, 我就唔建議, 雖然你俾左錢加左新偈油落去, 但架車無爽到, 反而引擎性能差左, 耗用電油多左, 咁咪仲唔值?!!!
d電油咁貴......省左既換油費都唔够俾油錢啦......

2006-10-28 17:45:34 補充：
聽講(我都係轉述人地既說話)油站好多時都係換五六成偈油架渣, 唔會換晒架, d偈油入貨價都接近200蚊一支(4升), 如果佢換晒俾你, 佢食咩呀p.s. 油站都係俾出面投來做既, 唔係真係油公司自己經營架

2006-10-28 17:51:50 補充：
話你知, 如果你在一間車房換完油, 覺得架車仲係好立, 唔係好爽, 咁十成十佢係用左油站一樣既原理, 始終車房係有d古惑仔存在既

2006-10-28 17:55:27 補充：
大家都要留心睇價錢黎換油, 太平既你都唔好預佢同你換晒

偈油的四大功用

傳熱
潤滑
密封
防綉


傳熱
引擎運轉時，會因金屬磨擦而產生高熱，偈油就將溫度帶走，唔釨比佢係同一點受熱。

潤滑
期間負責潤滑金屬接觸部份，而令機器轉動暢順。

密封
引擎活塞與活塞套之間有空隙，偈油可作密封作用，而令火花塞的爆炸力保存。

防綉
現時市面上的偈油圴加入抗氧化劑(即防綉)


偈油有一定份量，太多太少都唔得，如果剩係加入新偈油而唔清d舊油，會令偈油過多，
偈油過多會(偈油上盤)即被燃燒，死氣會出大量灰藍色煙，轉數高，同冇力。

偈油長用，會油金黃色變成黑色，但份量唔會少，(除非有溜)，咁即係話已經有金屬磨粉係度，同時d抗氧化劑又用咗。

唔去車房更換，可以去油站換，
但係油站d人太快手，d油都未滴晒就已經入返新油，所以d油好快又黑晒，仲有就係有d油站話快速換油，剩係由度油尺度插支油泵入去泵油，唔換油隔，一樣冇用。

其實偈油o既作用係潤滑車頭，令行車時順暢d。偈油唔使成日換，但到行車到某個哩數時候就要更換架啦。

當然新同舊o既偈油就唔好溝埋用啦，偈油到使用後一段時間會失去潤滑工能，如果加新o既落去會，舊的油會中和新的潤滑成份，咁好快又會覺得車頭唔夠順，又要加油或者覺得d偈油唔正，又去買過貴一d，唔化算。

咁想排清d偈油就最好去車房啦，偈油始終都係易燃物品，不小心處理就容易做成火災(touch wood) ，為安全計，交比車房做穩陣d。

唔係會有D沈澱物嫁咩?????????