我的貓貓在砂盤便便後不懂得埋屎

我隻貓仔當初都有類似問題, 便便後係咁抓係咁抓, 但有好多下都係抓錯地方或只係抓緊空氣. 不過可能佢有潔癖, 雖然抓錯好多下, 但佢都會keep住不停抓不停抓, 直到d砂蓋到d便便. 所以佢每次便便完都好忙, 因為要抓好耐.

之後, 我換左個有蓋有門嘅砂盤比佢. 雖然佢仍然會不自覺咁由d砂抓下抓下, 就會沿住個蓋抓左上去 (好似抓門咁, 但在砂盤內). 但因為範圍有限, 佢好快覺得唔對路, 又再由d砂開始抓過. 佢宜家好快就搞掂! ^o^

另外, 因砂盤有蓋有門, d味困左係入面. 佢一去完個下, 就會想辦法盡快蓋住d便便 (可能連佢自己都覺得d味難頂!) 而且, d味困左係入面, 佢抓兩三下都仲臭, 佢就知自己抓錯, 再去另一個位抓過.

希望幫到你!

*若你係試我呢個方法, 開頭記得用d耐性去教佢, 呢個有蓋有門嘅箱係廁所. 開始時, 我建議先拆左度門, 佢較易聞番自己陣味.

養多隻會埋屎ge貓lo, 等佢耳濡目染一下, or等另一隻貓幫佢埋....如果新貓反而比你隻懶貓傳染到..咁你就....呵呵= =

係呀我有隻貓女又係刨空氣,好好笑,原來好多貓都會梗!

你試下捉住佢隻手埋囉　教下佢　睇佢ｇｅｔ唔ｇｅｔ到
我果隻由細開始教佢去廁所．．次次教完佢之後　我都會用剷埋番
而家佢次次去完大小都要自己埋　就算有時痾大　我幫佢剷走左ｄ屎
或者幫佢埋左　佢係都要走番入去埋番先安落既

同上
冇得教
我隻大貓好乾淨，驚死人見到佢D，埋得好好
但隻細貓一D都學唔到，冇計

性格, 係無得教。好似人錦, 有d人好企理知尾, 有d人好呢fei, 貓都一樣。英短就係好呢fei的貓種, 波斯就好企理乾淨。我隻波斯貓自己都頂唔順自己d 臭臭, 佢入厠所後會u turn 咗先, 頭向門口, 擺好條尾, 唔好整污糟, 一痾完就走夾唔頭, 你咪洗旨意佢埋臭臭, 你唔同佢清理佢誓死唔再痾, 服未? 你都幫佢埋得臭臭囉, 唔掙在剷走埋佢啦。