如果世界未日kill 晒d 男人得番d 女人,呢個世界會變成點?

✔ 最佳答案

人類係要有兩性先可以繁殖。如果男人死晒﹐只剩女人﹐由於只可得返單一種性別﹐人類根本無可能繼續繁殖落去。100-150年左右﹐所有女人都會死晒﹐人類會絕種。
先前有個報導講過﹐科學家預測人類o係地球上消失後﹐世界會變成點。依個預測可以apply落你個assumption度﹐因為人類最終都係滅亡!
人類消失大自然重生
http://hk.news.yahoo.com/061012/12/1ul5r.html
如有一天人類消失，不出數日地球會出現另一番新景象，屆時瀕危物種恢復生長，污染逐漸消失。數十年後草木叢生，2萬年後人類痕全部消失，但若要輻射及人為化學物質蕩然無存卻是遙遙無期。
《新科學家》指出，人類滅絕後，光污染會即時消失，這由於無人再補充發電廠的燃料，人為光線很快熄滅。接農田、街道，以至如香港、倫敦等大都會將在50年內生滿植物，建築物陸續因失修、蟲蛀、腐朽而倒塌。「假若明日天光，人類不再存在，地球軌道也會即時出現變化。沒有維修，所有風災、水災和寒夜會蠶食荒廢的建築物，幾十年間屋瓦剝落，樓房倒塌。」
此外，逾1.5萬種瀕危物種即時恢復數量﹔1000年後二氧化碳回復工業化前的水平，2萬年後人類痕會全部消失。
巨鼠225萬年後統治地球人類滅絕http://hk.news.yahoo.com/061012/12/1ul5q.html
人類絕種，取而代之的會是巨型老鼠「接管」世界，就像恐龍絕種後便出現人類一樣。報道指出，人類出現新品種的機會不大，因為新物種通常都只能在與世隔絕的情況下誕生。
-------------------------------------------------------------------------------------------
其實我覺得即使世界末日﹐人類都未必會絕種﹐視乎世界末日時o既情況!
One shoot“世界末日”
如果個“世界末日”係one shoot﹐例如話: 有個只會傷害男人o既超級炸彈o係地球爆左﹐炸死晒d男人。然後地球一切回復正常。
男人o係一瞬間滅絕﹐地球上係只剩女人。不過男人未死前﹐有好多人都捐左精。只要將o個d精子移植入女人體內﹐10個月後﹐地球一樣再有男人! 少於20年後﹐男女又可以交配﹐人類再次正常繁殖﹐人類就唔會滅亡!
懷有男嬰
世界末日時﹐好多女人都係懷孕。如果個“世界末日”只殺男人﹐不包括懷有男嬰o既孕婦﹐10個月後﹐男嬰出生﹔少於20年後﹐人類又可正常繁殖!
遺害嚴重的“世界末日”
假如“世界末日”唔再只係“one shoot”﹐例如: 地球上出現“不能消滅﹑專殺男人細菌”﹐或者“空氣中含有不能消退﹑殺男人物質”。即使女人用僅餘精子孕育出男人﹐男人eventually都會絕跡﹐人類一樣會滅亡。
除非女人可以自製“安全氧氣”供男人使用﹔又或者將男人完全隔離o係“無菌區”﹐咁男人就有可能可以生存﹐人類就可以延續。
不過.... 講真﹐如果你係男人﹐無啦啦變成比女人支配o既繁殖機器﹐可能你都唔甘心﹐走去自殺! 所以.... 可能d男人會自殺死晒﹐人類始終都要消失!
圖片參考：http://hk.yimg.com/i/icon/16/9.gif

2006-10-27 19:00:16 補充：
從女人現在的生活和能力作上分析:能力上:女人同男人都有同等接受教育o既機會﹐兩性間o既智力接近﹐女人o係處理問題﹑管理能力上﹐應該都不輸男人。而家好多國家元首都係女人﹐即係證明女人o既能力係受社會認同。其實唔駛講到咁遠﹐假如你屋企個燈胆燒左﹐你阿爸出左遠門﹐周圍都冇男性幫你﹔你都唔會由得間屋冇晒燈﹐等到你爸爸返黎換啦! 有時d野﹐迫出黎既o者! 要學冇話唔識! 正如好多男人都識煮飯煲湯一樣。冇得倚賴﹐自然就會乖乖地﹐學做好每一件事。所以﹐我覺得“能力”唔係問題。

2006-10-27 19:11:23 補充：
男人死晒﹐地球忽然少左咁多人﹐女人會意識到佢地所處o既地方有危機﹑人類面對前所未有o既困難。依個時候﹐最緊要團結! 所以女人應該會聚居埋一齊。即使唔可以住埋o係同一片大陸﹐起碼大家都盡量集中o係一處﹐有咩事發生都易於商討﹑溝通。相對黎講﹐個世界會易d管理。照你所assume, 女人只剩餘100年壽命。既然人類必然滅絕﹐民族間權力﹑地位競爭應該都變得冇乜意義。戰爭應該會滅絕(除非想快d攬住一齊死)﹐軍事競賽暫停。人類世界應該充滿和諧。相信唔會有人想連僅餘o個一百幾廿年都破壞埋佢..... 所以世界應該會比有男人時更易管理﹑更加簡單!

2006-10-27 19:16:44 補充：
雖然女人知道100年後大家都會死晒﹐但我相信因為經歷過大劫﹐女人會更加珍惜彼此。佢地會盡力將世界管理好﹐希望大家o係餘下o既日子開開心心。所以我覺得唔會有女人想破壞難得o既和諧﹐而換取短暫又冇將來o既勝利。從“管理”上睇﹐世界應該會幾美好。

2006-10-27 19:28:20 補充：
生活上:雖然女人有能力維繫世界運作﹐但失去左男人﹐女人生活必然寂寞! 兩性相近本來就係自然定律﹐而家失去左一方﹐女人生活點可能平衡?! 性方面長期得唔到滿足﹐真係人都癲! 撇除性事﹐女人只係對住女人﹐想找個男人倚靠下都冇﹔相信好多女性會日久生情﹐變成同性戀者﹐慰藉下枯燥生活。

2006-10-27 19:29:08 補充：
其他生活上o既野都同能力有關﹐上面已經分析過﹐女人應該冇問題。但o係心靈上﹐女人心深處一定好掛住死去o既男親友﹐亦都會覺得單性生活好單調﹑好悶﹑好無奈﹔可能經常有自毀事件發生﹐不過一定會有更多女人係珍惜生命o既! 正如先排好多人燒炭﹐但活下去o既人總係比燒炭o既多。所以﹐沒有男人o既日子﹐女人應該會枯燥地生活下去﹐直至最後一個人類死亡。

如果世界未日kill 晒d 男人得番d 女人,呢個世界會變成點?

回答 (5)