公屋第一次配屋沒要，要多久才會配第二次

我不清楚第二次你要等幾耐,但如果真如另一網友說要等好耐的話,不如明年你試下房署的[特快公屋計劃],通常約每年的四月至六月輪侯人士會收到信,如果想參加就填番表格比房署，再等到同年的九月至十月,會收到信通知何時選屋。今年的[特快公屋計劃]已差不多完結,你等明年啦!

你的輪侯號碼愈早,選特快公屋時亦會收到信早些選屋,否則,號碼愈后,愈遲選屋,愈少屋比你選,可能甚至無得選,因好地區的屋及大的屋都比人選晒;而選特快公屋是沒有地區限制的,及到時房署會有一塊塊板,板上有晒所有可選屋的資料,會注明屋在那區、屋大小、租金、有什麼問題等!只得十五分鐘給你選擇,你要盡快選定五間心水屋,以防第一間被人選了,即刻跳去第二間,如似類推。

我朋友2003年申請公屋,2004年因輪候號碼遲,選不到理想的特快公屋[就算有問題的特快公屋亦早被人選晒],2005年9月中再選特快公屋,10月初入息審查,10月尾收到信要11月中到所選的屋村辦事處辦理租約簽訂及其他手續及睇屋,他覺得屋問題不大,而選了翻新津貼自己翻新間屋及可即取匙,簡單裝修完11月尾便入伙了,那不是都很快有屋嗎?

希望這些資料都幫到你!

公屋第一次配屋沒要，要三個月才會配第二次

冇一定時限，好多人話大約３，４個月，派第一次個時會俾一個好靚好正既單位你，第二次就差ｄ，第三次隔最耐時間，而且間屋會係最差，因為三次機會過後你要停一年，一年過後先可以按你當時情況重申入紙申請．所以都幾睇你”彩數”．

講我經歴你聽．．．
我地一家４口係０４年２月入紙申請（選擇擴展巿區），第一次配屋係０４年１０月派左去東涌，４人單位６百幾呎，高層望海，太遠我地冇要．．．，結果第二次係０６年３月派左去葵涌一個好舊好殘既屋村，３人單位４百幾呎，重要個座大廈係井字型兼且派４樓角落頭．．．，依家未派第三次，但如果按上述情況推斷就唔睇好第三次派屋．．．又係個句，睇”彩數”．

其實有另一個方法，就係等第三次派屋都係派得唔理想時，照要左間屋，但唔裝修唔入去住，跟手以這間公屋交回房署換間居屋（則交回公屋去申請居屋），咁可能重可以挑到間合自己心水既屋，但係要恆量自己可唔可以申請到居屋及供到居屋，話晒供居屋負擔係會重ｄ．

希望幫到你！