請問：
1) 當初只係現金過手或過數俾佢，我告佢之前，需唔需要先收集證據？ 若要，除了欠單外，有甚麼證據最有力？(eg. 錄音？)
2) 若我找小額錢債審裁署，他們會如何迫佢還錢？
3) 又，他們有冇約束力，能否有效地追數？
他肯還是因為我們還是朋友，但若我告佢，我地實反面，到時佢好可能唔還… 我怕連每個月500都冇埋！
4) 除左去小額錢債審裁署，仲有咩方法可以有效地要佢還錢？ 我唔想搵收數公司，又唔想上門/ 上佢公司生事…
5) 佢會唔會因為我告佢而前途盡毀？(我唔想佢被炒、破產…)
6) 我地以前係情侶關係，會否因而對討債有影響？
7) 佢其實用左我既錢去賭，但並非「合資」去賭，只係佢單方面博殺。賭船、澳門等我以前有陪佢去… 其實咁既內情又對我討債有冇影響？ 佢能否反屈我「我有份賭」為由，或因為我地以前係情侶，於是民事上作抗辯，唔還錢？ (但到目前為止，佢係承認佢欠我25萬，同埋承諾會還架！)
無限感謝…
更新1:
感謝大家回應及關心，令我覺得呢度好溫暖！ 暫時唯一一點補充，就係我對佢冇期望，只係想拎番我既錢。畢竟大家既共同朋友都好多，我唔想令一眾朋友難受罷了。 謝謝。