✔ 最佳答案
你唔可以就咁用香港的港幣支票寫做美金比佢的... 就算你有香港的美元支票都唔得. 因為香港的支票, 只係可出香港的銀行體系兌現, 去到美國等如廢紙
你需要去銀行買一張匯票. 銀碼係 US$5.98, 但手續費最少都要 HK$60... 然後仲要寄過去比佢, 等佢收到入銀行兌現, 分分鐘成 2 - 3 星期... 十分不值得... 我覺得你應試試找其他可接受其他方式付款的賣家... 仲會好一點
個人支票: 即係以個人名義開的戶口. 用既係你自己戶口既錢... 如果唔夠錢, 就會被彈票了...
銀行本票: 可以當成銀行開的支票. 你先要將同等值既現金給銀行, 銀行便會替你開一張支票. 本票一定能兌現的
匯票: 同銀行本票差唔多, 但幣值不是港幣, 而且需要寄到海外的銀行. 在海外兌現.
你應該同佢講... Since I am not living in the US, I cannot send you a cheque. Is there any other methods that I can pay you, e.g. Paypal ?
如果佢堅持收 cheque... 你都係搵過另一個啦, 用 100 蚊買一件原來係 8 蚊既野, 十分不值 !! 又麻煩加等得耐...