問女仔! 我是否豪爽?

你問得出值唔值得，既係代表你自己都覺得唔值啦，如果值你就唔會咁問，值你就自己肯定左啦。
你月入$8500 比 $1000 你女友，仲要係佢身上洗錢，你自己用呢？咁你比幾多你屋企呀？
安全感唔係用金錢去衡量架，係感覺離架。
錢係可以睇清楚一個人架。其實間唔中女仔比錢又有咩問題呢？
有時我男友冇錢我都會過數比佢，到佢一出糧就會比番我。
有次我男友睇中左只omega 既手錶，佢好想買但只手錶要$20,000，佢同我傾好唔好買，我同佢講如果你鍾意咪買囉，跟住佢過左一日打比我同我講『我都係唔買啦，我留番的錢我地去街又好，結婚又好！』如果係鍾意對方，你就會唔介意用一分一毫係佢身上，到佢離開左你你都覺得值，到你地感情有番咁上下，你就會係佢身上感覺到安全感，亦會為大家將來而打算。
如果你應為比錢你女友就等於愛佢，咁你就侮辱左佢啦﹗
或者你試下唔比錢你女友，睇下佢對你既態度有冇改變，咁你就知你女友愛你定愛你的錢啦！
最重要唔好先洗未來錢呀，如果唔係好難翻身。

你每月給她錢, 生日/節日咁你咪仲洗得仲多錢, 再係咁落去你周身債就慘喇, 除非佢讀緊書屋企冇錢, 佢生活清苦啦, 咁每月 $1000 生活費就不太過份, 你自己都有消費都要儲返D錢先得o架, 如果唔係有咩事邊度搵D錢黎用呀, 如果佢係愛你就唔係你比錢佢就要啦, 仲老馮出街唔比錢, 我做女的時候就從來都唔要男友比錢我, 真係冇咪借住先, 要還的, 間中送下小禮物咪好囉, 你呢D唔係豪爽, 你咁講出來是計較呀 ))))))
安全感是感覺, 唔係比錢買呀, 要買都搵保標啦~

點解你會覺得俾$$佢，就會有安全感呢=.=!!
你而家係同佢拍拖，唔係包養佢...
做咩俾生活人地呀=口=!!

而且安全感都唔係完全出於$$...
如果我係你女朋友睇到你咁問，
實行想喊~~
我咁鐘意$$，都唔希望男朋友淨係俾$$我當有安全感啦~~
可況你女友都未必係咁貪$$既人=.=!!
安全感係黎自你可以成日都呵護佢架=口=!!

唉~~俾其他人見到你咁講，
又話香港女仔貪$$啦/. \
唔係怨你，至係最近呢個話題成為熱滿，
有d擔心姐!!
希望你可以同你女朋友長長久久啦~~

$1000有乜用?
買M巾,護膚品就用晒啦!
佢冇人養架咩?
自己有冇做野?
你唔儲$,點結婚?
你賺咁小,一定要公一份,婆一份先夠洗。
仲要比$佢???

My boyfriend give me all his money, I only give him the lunch and gas money, and he never ask me how I spend his money.

你既‘豪爽’要有限度﹐ 講真﹐ 如果我真系中意你﹐ 我唔會想你為左我而對自己屋企唔負責。 比錢我用唔會比到安全感我。 系﹐ 我或者會覺得你好緊張我﹐ 不過唔覺得你有既‘男人’﹐ 唔顧家。 如果佢變左你老婆﹐ 佢會唔會覺得你都會為左某D 野而唔理屋企﹖ 你知唔知佢系咪真心中意你架﹖ 系﹐ 又點會想你難做﹖ 做個五逆仔﹖ 你就得屋企同佢﹖ 其它野唔曬理架喇﹖ 可以一半比佢﹐ 一半比屋企﹖

個人認為...你唔係豪爽，你係豪爽就唔會care同問點算...

你女朋友好唔掂，好等錢用咩？女人洗咁多男人錢，唔覺樣衰架？男友比得起係一回事，比唔比係另一回事喎，就算比得起，肯比呀，個女仔收唔收又係另一回事...而家好多女仔都唔使男人錢架啦，就算比都睇自己能力呀！出街消費男仔比都唔一定要比晒囉，仲要比埋生活費，一個月$3,000！養隻狗狗or車車仲好啦！

安全感唔係用錢去比佢架，如果佢話你知係咁既，飛左佢啦...你覺得係咁既，咁話你知，女仔睇安全感一定唔係用錢去睇，你咁樣同包佢無咩分別，分分鐘害死佢或你自己呀，佢洗慣左，第日你無可能比少過呢個數。而且佢係體諒你既，就唔會要你洗咁多錢係佢身上...明知仲要比屋企家用既，都用你三千，$ 8500 - $3000=$5500，當你比屋唔比多，2000啦，都係得返$3500，自己買下野，找下數咁...仲使儲錢既？我係你女友我就唔忍心要你用咁多囉...一係你洗係我身上既錢...幫你慢慢儲起比你好過啦...

唔好比錢佢啦，寵壞無好處囉...你用錢去比女人有安全感，呢個concept都要改，唔係個個女人就鍾意男人既錢，同一定要男人養既...希望你諗諗去啦...

**if too 激...please forgive me.. 本人對用錢去衡量感情覺得好過份既...

豪唔豪爽見人見智

但在我o既角度
我覺得:
1. 唔應該每月俾錢女朋友做生活費
2. 出街消費全由你找數，這個其實不太好，兩人應間隔俾下錢

如果佢係你老婆，你就話有責任去養佢姐
但女朋友我覺得唔應該囉

安全感唔係用錢黎計
而係用行動去表現出黎
你俾錢佢唔代表你俾到安全感佢
反而我會覺得你係想以金錢去填補不足 / 令佢留o係你身邊

所以，你同佢都係認真o既話
俾錢佢同有無安全感根本無關係
係鍾意你o既，你有無錢 / 有無錢過佢手，都唔係問題

你真係好好ga啦....但咁樣我唔覺得係最有安全感,我認為係你幫佢解難ge能力,因為男朋友咩都識,咩得都幫到自己,了解自己,仲可教自己好多野,會比較好......金錢上的幫助,只係解難ge其中一部份......

2006-10-27 01:32:49 補充：
你地拍左拖幾耐呢??

係咪你女朋友叫你比,其實男仔比仔安全感唔一定要錢,你比左啲錢你女友又要比家用屋企,你重有錢用咩?唔值得,唔值得,如果個女仔真係鍾意你唔會要你咁做,數都計得到啦,你點夠錢用呀,唔怕講句,佢係咪呃你呀,自己睇清楚好,我唔會叫自己男朋友比錢我,出街唔會佢一個人比錢,我都會比錢,我覺得出街唔一定要男人比錢.你買啲咪要每月要花費約$3000在她身上呀,如果佢一路都係咁要你買野比佢,佢一定係呃你.佢只你當你係水魚,唔係真係鍾意你,唔好再做水魚啦.