轉工的矛盾

首先,你有幾多歲??係咪巳經到了唔捱得,打算做份長工做到退休的那種人??

其實你投閒置散了十年,你在呢份工學到d咩?係咪只係為左個個月袋果份糧而巳??
一份工,做左十年,而現在難得有個新機會,為何不去一試呢??其實你十年在同一公司工作,眼界是很窄的。如果比你在呢家公司做多一兩年,你根本上是不用轉工的了,應該會做多十年,甚至做到退休。(如果間公司唔倒閉的話)

我個人覺得,新的工作,應該會令你眼界更廣的。不妨一試吧,有時工作久了,是要有新衝擊,蛻變的。^^~~~而且機緣的野,過左就無。

點醒我了

其實我諗你轉工都無咩問題啫 , 多40 % 人工 . 就梗係多d 嘢做架啦 ! 無可能無端端比多d 錢你又唔洗你做 , 不過如果你怕辛苦 , 就唔好轉喇 ! 因為轉工作環境係要一段時間適應 , 我諗你依家都係驚呢個問題啫 , 不過提提你 , 你依家份工成日都無咩嘢做 , 即係代表你係呢間公司無價值 , 遲早都會遇到裁員或者炒尤問題 , 一個人最緊要係有價值 , 先會有人請,你自己好好衡量啦 !

1) 你要考慮現在做這份工作做得開心嗎?
2) 人工高做得唔閞心又點呢?
3) 你想唔想進修呢?
4) 你現在做的工作還有其他嘢可以學嗎? 如果沒有, 轉工囉.

其實, 入到某間公司, 都是想學到不同的東西, 提高自己的經驗.

看你懂得分析現在份工與新工優點及缺點，又到時間問下自己現時想要什麼(錢、成功感、歸屬感)，是否要進修(新工會否影响學業)、最緊要前途，當你轉了工之後，發現好多東西等你學，當要要付出時間去適應新同事及工作，但這些人生必經階段吧。

其實我覺得你應該先唸下邊份工o岩你先, 同埋你係咪上進o既人, 但我見你話(我可以進修)果度, 我唸你應該都幾上進, 如果係咁, 就應該choose份多野做多野學o既工, 要學野OT都多不免啦, 另外有冇under都無所謂啦! 你有實力,自然去到邊都有人under你啦! 同埋你話你而家果份少野做, 但同事就多野做, 你好唔好意思啊!? 人地表面上服你啊! 個心都唔服啦!
都埋有得出trip都幾好啊! 可以學好外語又可以增加見聞.

講到明啦! 想多d人工, 多學多d野, 唔介意職位高低的話就轉工啦! 不過你要留意, 要搵到一個好老細係唔易ga~

世事總沒有兩全其美，我個人認為你既然有轉工的念頭，便證明你已對留在舊公司有所保留。建議你考慮清楚你能否承擔後果，有危才有機，轉了工又說不定有更好的發展呢!
人生無常，何不見識多一些，看看另一個世界? 細公司比大公司，亦有其優勝之處吧!

其實個問題又唔係太難,最重要係睇下你對工作的要求同你本人的籌碼

如果你對工作的要求唔高,但求穩定,安逸,同埋可以點人做野的虛榮心.咁現在份工會好啱你.但係如果係係要求份工充滿挑戰,要不斷令到自已進步的話,可能係都係需要換個環境.

如果你滿意現在的嗰一份工,就唔會花時間同心機去搵,既然搵到一份令你心動的工,點解唔俾自已試下呢?

我覺得你已經選擇轉新工了, 現在就找朋友來支持下你姐~
睇你都會去試....你聽過投閒致散未...
去啦~
唔試你係唔係會心息的~
支持你^.^

每個人的目標和期望都唔同，你以上講的兩份都係算筍工。第一份可以俾到你多d私人時間，如果你係享受生活的人，第一份工當然好好。
第二份工最緊要係人工好，因為係細公司，應該都冇乜機會升，所謂的長短週都係講吓o者，你做唔晒d野咪又係你做番？

如果你又不想休閒，又不是很期望人工高很多，而是想一展所長，有升職機會，何不等第三份工？