分析一下 "人流越多，購買的人數會唔會都上升呢"

我唔係讀呢科，但都有少少睇法︰
1. 人流多即有機會接觸商品的人多，自然令到成功做成生意的機會率增加。
2. 一個接觸到商品，無論佢有冇買野，佢都可能會同其他人分享。形成更多人認識你的商品。

即係︰
如果有100個人經過你間SHOP，
如果，10%的人會買，你就可以做成10宗生意。
而呢100個人裡面，有30%的人會去分享佢見過的，即係話，你有多30個人認識你的商品。
係呢30個人裡面，如果有5%的人會因此而成為你的客戶，你又多咗1.5宗生意。
如果呢11.5個人裡面有10%會成為你的長期客戶，即對你日後的發展有幫助。
如果再將呢條方程式以每日計算，你可以想像到你幾時可以開第二間分店......

我唔係讀marketing,不過,見到你個題目覺得有d唔妥(個人意見)。

人流越多,購買嘅人上升,呢個係好自然嘅事

如果有100個人行過你間舖/商場,有10個人嚟買嘢,咁就有10%人會購物

如果有1000個人行過你間舖/商場,有10個人嚟買嘢,咁就有1%人會購物
如果有1000個人行過你間舖/商場,有5%嘅人嚟買嘢,就會有50個人購物
如果有1000個人行過你間舖/商場,有10%嘅人嚟買嘢,就要有100個人購物

喺正常嘅情況,人流多,自然購買嘅人數就會多咗,但係未必代表customer behavior有變。我估人流同購買人數會有關係,但如果單係睇個數,又好似唔係好代表到d乜嘢咁。你仲有冇其他嘅idea可以加入嚟?

首先搵下人流對各類型商店的影響(會否提高購買人數的百份比,而不是人數),定是各區有不同類型商店的需要,再分析一下人流多對哪類商店有利或有害,總結以上資料,得出人流對生意額的影響,人流多生意額會上升或是一樣或是較底.哪類區域開哪類店舖比較有利

sorry本人不是讀商科的,所以可能答非所問,敬請原諒
資料搜集會是最重要也是最難的